تۇركىستان وبلىستىق كلينيكالىق اۋرۋحاناسىنىڭ بازاسىندا پروفەسسور, اكادەميك ب.بايماحانوۆتىڭ جەتەكشىلىگىمەن جانە ا.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ جوعارى بىلىكتى ماماندارىنىڭ قاتىسۋىمەن باۋىر ترانسپلانتاتسياسى ءساتتى جۇزەگە استى, دەپ جازادى Egemen.kz.
باۋىر ترانسپلانتاتسياسى – حيرۋرگيا سالاسىنداعى ەڭ كۇردەلى جانە جوعارى دالدىكتى تالاپ ەتەتىن وپەراتسيالاردىڭ ءبىرى. ناۋقاس بىرنەشە جىلدان بەرى گاستروەنتەرولوگتىڭ «د» ەسەبىندە تۇرعان. دارىگەرلەردىڭ ايتۋىنشا, اۋرۋى استسيتپەن, پورتالدى گيپەرتەنزيامەن جانە سپلەنومەگاليامەن اسقىنعان. ۇزاق ەمدەۋ شارالارىنا قاراماستان, جاعدايىنىڭ ناشارلاي تۇسۋىنە بايلانىستى باۋىر ترانسپلانتاتسياسى ءومىرىن ساقتاپ قالۋدىڭ جالعىز جولى بولدى. دونور رەتىندە ناۋقاستىڭ 24 جاستاعى ۇلى كەلىسىم بەرىپ, تولىق مەديتسينالىق تەكسەرۋدەن ءوتتى. ابسوليۋتتىك قارسى كورسەتىلىمدەر انىقتالعانماعان.
قازىرگى ۋاقىتتا 54 جاستاعى ناۋقاس دارىگەرلەردىڭ ديناميكالىق باقىلاۋىندا. دارىگەرلەر وتادان كەيىنگى كەزەڭ اسقىنۋسىز ءوتىپ, ترانسپلانتاتسيالانعان باۋىردىڭ قىزمەتى بىرتىندەپ تۇراقتالىپ كەلە جاتقانىن ايتادى.
بۇل – تۇركىستان وبلىسىندا جاسالعان ەكىنشى باۋىر ترانسپلانتاتسياسى.
تۇركىستان وبلىسى