«سىرداريا-تۇركىستان مەملەكەتتىك وڭىرلىك تابيعي پاركى» كمم-ءنىڭ مەملەكەتتىك ينسپەكتورلارى ارنايى رەيد بارىسىندا ەرەكشە قورعالاتىن تابيعي اۋماققا جاتاتىن جەردەن زاڭسىز اڭ اۋلاۋ وقيعاسىن انىقتاعان, دەپ جازادى Egemen.kz.
وتىرار اۋدانىنىڭ 3 تۇرعىنى اتالعان اۋماقتان قابان اۋلاعان. كۇدىكتىلەردەن ايعاق رەتىندە الىنعان 2 مىلتىق, 4 جارىق شامى وتىرار اۋداندىق پوليتسيا بولىمىنە (اپب) ءتيىستى شەشىم قابىلداۋ ءۇشىن وتكىزىلىپ وتىر.
«ەرەكشە قورعالاتىن تابيعي اۋماقتاردا زاڭسىز اڭشىلىق ەتكەن ازاماتتار قر اقبتك-ءنىڭ باپتارىنا سايكەس 70 اەك كولەمىندەگى ايىپپۇل ارقالاۋى مۇمكىن. ال «قابان» جانۋارىن زاڭسىز ولجالاۋ ءۇشىن كەلتىرىلگەن زالال سومماسى 250 اەك تەڭ. سونداي-اق توپپەن اڭشىلىق جاساۋ ارەكەتتەرى قر قك-نە سايكەس قىلمىستىق جاۋاپكەرشىلىككە تارتىلادى», دەلىنگەن اتالعان تابيعي پارك حابارلاماسىندا.