ءحىى ازاماتتىق فورۋم قارساڭىندا مادەنيەت جانە اقپارات ءمينيسترى ايدا بالاەۆا ەلوردادا ۇكىمەتتىك ەمەس ۇيىمدار وكىلدەرىمەن كەزدەستى. كەزدەسۋ بارىسىندا مينيستر كەيىنگى ۋاقىتتا ۇەۇ مەن سالالىق مينيسترلىكتەردىڭ باسشىلارى اراسىندا ونعا جۋىق كەزدەسۋ وتكەنىن اتاپ ءوتتى. سونداي-اق جيىندا ازاماتتىق قوعامدى دامىتۋ سالاسىنداعى وزەكتى ماسەلەلەر, مەملەكەتتىك ساياساتتىڭ نەگىزگى باعىتتارى مەن ىسكە اسىرىلىپ جاتقان جوبالار مەن ءىس-شارالار تالقىلاندى.
بۇل بايلانىس ازاماتتىق قوعامدى تولعاندىراتىن بىرقاتار وزەكتى ماسەلە بويىنشا ناقتى شەشىمدەر قابىلداۋعا مۇمكىندىك بەردى. ءمينيستردىڭ پىكىرىنشە, بۇگىنگى جيىن ازاماتتىق سەكتورمەن ارىپتەستىكتى ودان ءارى نىعايتۋعا باعىتتالعان ماڭىزدى قادام بولماق.
– ۇلتتىق قۇرىلتاي وتىرىسىندا مەملەكەت باسشىسى قوعامداعى وزەكتى ماسەلەلەردى شەشۋدە مەملەكەت پەن ۇكىمەتتىك ەمەس ۇيىمدار اراسىنداعى سەرىكتەستىكتى ارتتىرۋدىڭ ماڭىزىن اتاپ ءوتىپ, ۇەۇ تۋرالى زاڭنامانى جانە مەملەكەتتىك الەۋمەتتىك تاپسىرىستىڭ كريتەريلەرىن جەتىلدىرۋدى تاپسىردى. وسى ماقساتتا مينيسترلىك قۇرامىنا وڭىرلىك ساراپشىلار مەن ازاماتتىق سەكتور وكىلدەرىنەن تۇراتىن جۇمىس توپتارىن قۇردى, – دەدى ا.بالاەۆا.
ءمينيستردىڭ ايتۋىنشا, الداعى ءحىى ازاماتتىق فورۋم قوعامدىق ينستيتۋتتاردىڭ قىزمەتىن جاڭعىرتۋعا جانە ازاماتتىق قوعامنىڭ دامۋىنا جاڭا سەرپىن بەرمەك. سونداي-اق ا.بالاەۆا ازاماتتىق قوعاممەن بىتە-قايناسقان, ءوزارا بىرلەسكەن ءىس-قيمىل دامۋدىڭ شەشۋشى تەتىگى ەكەنىن اتاپ ءوتتى.
– ءبىز ءاردايىم سىندارلى ديالوگكە مۇددەلىمىز, ويتكەنى قوعامداعى وزەكتى ماسەلەلەردىڭ بارلىعى تەك اشىق ءارى ءوزارا قۇرمەتكە نەگىزدەلگەن ديالوگ ارقىلى شەشىلەدى. راسىندا, ءبىر پروبلەما شەشىلسە, الدا جاڭا ماسەلەلەر تۋىندايدى. سول سەبەپتى ديالوگ ۇزىلمەۋگە ءتيىس. قۋانتارلىعى, بۇگىندە قوعامدا مۇنداي ءوزارا تۇسىنىستىك پەن اشىق پىكىر الماسۋ بار. ءبىزدىڭ بۇگىنگى كەزدەسۋىمىز وسى بايلانىستى نىعايتىپ, كەڭەيتە تۇسەتىنىنە سەنىمدىمىن. الداعى 15-16 قازاندا وتەتىن ازاماتتىق فورۋمنىڭ ساپالى ءارى مازمۇندى بولعانى ماڭىزدى. فورۋم بارىسىندا جۇيەلى ماسەلەلەردى تالقىلاپ, ناقتى شەشىمدەر قابىلدانادى دەپ سەنەمىز. بۇگىندە ازاماتتىق اليانس مەملەكەت پەن ۇكىمەتتىك ەمەس ۇيىمدار اراسىنداعى سەرىكتەستىكتى نىعايتۋدا ماڭىزدى ءرول اتقارىپ وتىر. بۇل ۇيىم مەملەكەتتىك قۇرىلىمدارمەن ينستيتۋتسيونالدى دەڭگەيدە ءوزارا ارەكەتتەسىپ, ۇلكەن جۇمىس اتقارىپ كەلەدى, – دەدى ا.بالاەۆا.
سونداي-اق مينيستر قازىر ءبىزدىڭ باستى مىندەتىمىز ءداستۇرلى ازاماتتىق فورۋمدى ساپالى ۇيىمداستىرۋ ەكەنىن دە اتاپ ءوتتى.
«قازاقستاننىڭ ازاماتتىق اليانسى» قوعامدىق بىرلەستىگىنىڭ پرەزيدەنتى بانۋ نۇرعازيەۆا مەملەكەت پەن قوعام جۇمىلعان جۇدىرىقتاي سەرىكتەسە ارەكەت ەتكەن جاعدايدا تۇراقتى دامۋ بولاتىنىن اتاپ ءوتتى. ونىڭ ايتۋىنشا, بۇگىندە ەلىمىز ازاماتتىق قوعامنىڭ مىقتىلىعىنا بۇرىنعىدان دا كوبىرەك مۇقتاج بولىپ وتىرعان كورىنەدى.
– ويتكەنى الدا تۇرعان رەفورمالاردى مەملەكەت جالعىز ءوزى جۇزەگە اسىرا المايدى. ءاربىر ۇكىمەتتىك ەمەس ۇيىم ءوز سالاسىنا قاراي رەفورمالاردىڭ جۇرگىزۋشىسى ءارى حالىققا ءتۇسىندىرۋشىسى بولىپ وتىر. ايماقتاردا وتكەن ازاماتتىق فورۋمداردىڭ جارتىسىنا جۋىعى ءوڭىر اكىمدەرىنىڭ قاتىسۋىمەن ءوتتى. بۇل – ۇلكەن ىلگەرىلەۋ. بۇرىن ۇيىم وكىلدەرىمەن كەزدەسۋلەر ارنايى شاقىرۋ ارقىلى وتسە, قازىر جەرگىلىكتى بيلىك وكىلدەرى وزدەرى كەلىپ, باستاما كوتەرىپ وتىر. بۇل – قوعامنىڭ شىنايى سەرپىلىسى. پرەزيدەنتتىڭ العا قويعان ستراتەگيالىق مىندەتتەرى تەك مەملەكەتتىك ورگاندارعا ەمەس, بۇكىل ەلگە ورتاق. ەگەر ءبىز دامىعان, باسەكەگە قابىلەتتى مەملەكەتتەر قاتارىنا قوسىلعىمىز كەلسە, ءۇش جىل ىشىندە تولىققاندى تسيفرلىق مەملەكەتكە اينالۋ جولىندا ءبارىمىز بىرىگۋىمىز كەرەك. بۇل وڭاي شارۋا ەمەس, بىراق ازاماتتىق سەكتور بۇل باعىتتا ۇلكەن كومەك كورسەتە الادى, – دەدى بانۋ عانيقىزى.
كەزدەسۋدە قاتىسۋشىلار بارلىق تىركەلگەن ۇەۇ مەن قايىرىمدىلىق ۇيىمدارى تۋرالى اشىق اقپاراتتى قامتيتىن بىرىڭعاي ەلەكتروندى پورتال (E-ۇەۇ) قۇرۋدى ۇسىندى. بۇل جۇيە ۇيىمداردىڭ قىزمەتى, مەملەكەتتىك الەۋمەتتىك تاپسىرىستار مەن جوبالاردى ىسكە اسىرۋ كەزەڭدەرى تۋرالى دەرەكتەردى اشىق فورماتتا ۇسىنۋعا مۇمكىندىك بەرەدى.
سونىمەن قاتار ازاماتتىق جاۋاپكەرشىلىكتى ارتتىرۋ, ۆولونتەرلىكتى دامىتۋ جانە قوعامداعى كەلىسپەۋشىلىكتەردىڭ الدىن الۋ ءۇشىن مەدياتسيا تەتىكتەرىن ەنگىزۋ ماسەلەلەرى تالقىلاندى.
مينيسترلىك تاراپىنان مەملەكەت باسشىسىنىڭ تاپسىرمالارىن ىسكە اسىرۋ بويىنشا بەلسەندى جۇمىس جۇرگىزىلىپ جاتقانى اتاپ ءوتىلدى. اتاپ ايتقاندا, ۇكىمەتتىك ەمەس ۇيىمدار تۋرالى جاڭا زاڭ جوباسىن ازىرلەۋ ماقساتىندا وڭىرلىك ساراپشىلار مەن ۇەۇ وكىلدەرى قاتىساتىن جۇمىس توپتارى قۇرىلدى.
كەزدەسۋ قورىتىندىسى بويىنشا مەملەكەتتىك ورگاندار مەن ۇكىمەتتىك ەمەس سەكتور اراسىنداعى ىنتىماقتاستىقتى ودان ءارى نىعايتۋعا, سونداي-اق قوعامنىڭ دامۋىنا باعىتتالعان ازاماتتىق باستامالاردى قولداۋعا باعىتتالعان ناقتى ۇسىنىستار ازىرلەندى.