قازاقستاندا ءماجبۇرلى مەديتسينالىق سيپاتتاعى شارالاردى قولدانۋدى رەتتەيتىن ەرەجەلەرگە ەنگىزىلگەن تۇزەتۋلەر جاقىن ارادا كۇشىنە ەنەدى. دەنساۋلىق ساقتاۋ ءمينيسترى بۇيرىققا قول قويدى, دەپ حابارلايدى Egemen.kz.
جاڭا تالاپتاردا حيميالىق كاستراتسيانىڭ ناقتى قولدانىلۋ ءتارتىبى ايقىندالدى. ەرەجەگە سايكەس, بۇل شارا كامەلەتكە تولماعاندارعا قاتىستى جىنىستىق قىلمىس جاساعان, جاسى 18-دەن اسقان ادامدارعا عانا قولدانىلادى. ول تەك زاڭدى كۇشىنە ەنگەن سوت شەشىمى نەگىزىندە جۇزەگە اسىرىلادى.
«شارا جازاسىن وتەۋ ورنىندا نەمەسە امبۋلاتوريالىق پسيحياتريالىق كومەك كورسەتەتىن دەنساۋلىق ساقتاۋ ۇيىمىندا ىسكە اسىرالادى», دەلىنگەن قۇجاتتا.
تۇرمە اكىمشىلىگى سوتتالۋشى بوستاندىققا شىققانعا دەيىن 12 ايدان كەشىكتىرمەي ماتەريالداردى سوتقا تاپسىرۋى ءتيىس. بۇل قۇجاتتار نەگىزىندە سوت-پسيحياتريالىق ساراپتاما جۇرگىزىلىپ, سوتتالۋشىنىڭ پسيحيكالىق جاعدايى مەن جىنىستىق زورلىققا بەيىمدىلىگى انىقتالادى.
بۇيرىق 2025 جىلدىڭ 17 قازانىنان باستاپ كۇشىنە ەنەدى.