7 قازان كۇنى قازاقستاننىڭ باسىم بولىگىندە قولايلى اۋا رايى كۇتىلەدى. الايدا «قازگيدرومەت» دەرەگىنە سايكەس, توعىز قالادا اۋا ساپاسى ناشارلاۋى مۇمكىن, دەپ حابارلايدى Egemen.kz.
سينوپتيكتەردىڭ بولجامىنشا, اقتوبە, الماتى, وسكەمەن, بالقاش, قاراعاندى, تەمىرتاۋ قالالارىندا, ال تۇنگى ۋاقىتتا قوستاناي, اتىراۋ جانە استانادا اتموسفەرالىق اۋا لاستانۋى ىقتيمال.
قولايسىز مەتەورولوگيالىق جاعدايلار — جەلدىڭ السىرەۋى, تۇمان, ينۆەرسيا سياقتى قۇبىلىستاردىڭ قاتار كەلۋىنەن تۋىندايدى. مۇنداي كەزدە زياندى زاتتار اۋادا جيناقتالىپ, جەرگە جاقىن قاباتتا شوعىرلانادى. سونىڭ سالدارىنان اۋا ساپاسى تومەندەپ, حالىقتىڭ دەنساۋلىعىنا تەرىس اسەر ەتۋ قاۋپى ارتادى.