ايماق باسشىسى اكىمى ەرىك سۇلتانوۆ باستاعان دەلەگاتسيانىڭ ومبى وڭىرىندەگى جۇمىس ساپارى ىسكەر بايلانىس بيرجاسىنان باستالدى. ونىڭ اشىلۋ سالتاناتىندا سويلەگەن ومبى وبلىسىنىڭ گۋبەرناتورى ۆيكتور نازاروۆ ەۋرازيالىق ەكونوميكالىق وداق شەڭبەرىندەگى ەكونوميكالىق ىنتىماقتاستىقتىڭ ستراتەگيالىق ماڭىزىنا توقتالىپ, شەكارالاس وڭىرلەردە ءبىرلەسكەن كاسىپورىنداردىڭ 200-گە جۋىقتاعانىن اتاپ كورسەتتى. «سولتۇستىكقازاقستاندىقتاردىڭ وبلىسىمىزدىڭ ەكونوميكاسىنا بەلسەندى ۇلەس قوسىپ جاتقاندىعى قۋانتادى. بۇگىنگى ساپار ءبىزدىڭ ىنتىماقتاستىعىمىز بەن ءوزارا قارىم-قاتىناسىمىزدىڭ جاڭا باعىتتارىنا سونى سەرپىن بەرەرى ءسوزسىز», دەدى ومبى وبلىسىنىڭ باسشىسى.
سولتۇستىك قازاقستان وبلىسىنىڭ اكىمى ەرىك سۇلتانوۆ ەۋرازيالىق ەكونوميكالىق وداقتىڭ قۇرىلۋى تاۋار اينالىمىنىڭ ارتۋىنا وڭ سەرپىلىس بەرىپ وتىرعانىنا ەكپىن ءتۇسىردى.
– الەمدەگى قارجىلىق قيىندىقتارعا قاراماستان, پرەزيدەنت نۇرسۇلتان نازارباەۆتىڭ تاباندى ساياساتى ارقاسىندا قازاقستان رەفورمالىق قادامداردى ويداعىداي جالعاستىرىپ كەلەدى. وعان ەكونوميكالىق ءوسىمنىڭ 4 پايىزعا وسكەنى دالەل. ۇكىمەتتىڭ تاراپىنان جاسالىپ جاتقان شارالار داعدارىستاردىڭ الدىن الۋعا, حالىقتىڭ الەۋمەتتىك جاعدايلارىن جاقسارتۋعا باعىتتالعان.
رەسەي قازاقستاننىڭ باستى ساۋدا-ەكونوميكالىق ارىپتەسى بولىپ تابىلادى. كورشى ەلدىڭ وبلىستىڭ سىرتقى تاۋار اينالىمىنداعى ۇلەسى 70 پايىز بولسا, ونىڭ 50 پايىزى ومبى وبلىسىنا تيەسىلى. ەكى تاراپتىڭ تاۋار وندىرۋشىلەرىنىڭ كەدەن وداعى ەلدەرىنىڭ كومپانيالارىمەن ەكونوميكالىق بايلانىسىن ءارى قاراي دامىتۋعا باعىتتالعان شارالار ءوز جەمىسىن بەرىپ كەلەدى. كەزدەسۋلەر بارىسىندا ءوزارا ءتيىمدى اقپاراتتار الماسىپ, ءونىمدى جەتكىزۋ ءىسىن جاقسارتۋ تۋرالى كەلىسسوزدەر جۇرگىزىلەرىنە, بىرلەسكەن ءوندىرىس ورىندارىن اشۋدىڭ مۇمكىندىكتەرى قاراستىرىلارىنا سەنىمدىمىن, دەدى ەرىك حامزا ۇلى.
كورشىلەس وڭىرمەن بىرلەسكەن جۇمىس قارقىنى, اسىرەسە, اۋىل شارۋاشىلىعى سالاسىندا ايقىن سەزىلەدى. ماسەلەن, ومبى قالاسىنداعى ءسىبىر اۋىل شارۋاشىلىعى عىلىمي-زەرتتەۋ ينستيتۋتى مەن سولتۇستىك قازاقستان اۋىل شارۋاشىلىعى تاجىريبە ستانساسى ەگىنشىلىك جانە جەم-ءشوپ ءوندىرۋ ماسەلەلەرى بويىنشا بىرلەسكەن زەرتتەۋ جۇمىستارىن جۇرگىزىپ, اۋىل شارۋاشىلىعى داقىلدارىنىڭ جاڭا تۇرلەرىن سىناپ, ولاردى وندىرىسكە ەنگىزۋگە جاعداي جاساۋدا. ءوڭىردىڭ اۋىل شارۋاشىلىعى قۇرىلىمدارى ومبى اۋىلشارۋاشىلىق داقىلدارى سەلەكتسياسى سورتتارىنىڭ ەليتالىق تۇقىمىن جانە ەسىلكول تاجىريبە ستانساسىنان مايلى داقىلداردىڭ تۇقىمىن ساتىپ الۋدا. ال پەتروپاۆل قالاسىندا ورنالاسقان «اۆاگرو» جشس ومبى وبلىسىنا اۋىل شارۋاشىلىعى تەحنيكالارىن جەتكىزۋمەن اينالىسادى. كورشىلەس ەكى ءوڭىردىڭ دەنساۋلىق ساقتاۋ, ءبىلىم بەرۋ, مادەنيەت, سپورت سالالارىنداعى ءوزارا قارىم-قاتىناسى دا دامۋ ۇستىندە.
كەزدەسۋ بارىسىندا ءوڭىر باسشىلارى مەن ولاردىڭ ورىنباسارلارى دوڭگەلەك ۇستەل باسىندا جينالىپ, بىرقاتار وزەكتى جايتتاردى تالقىلادى. قازاقستانداعى قىزىلتۋ ستانساسىنان رەسەيدەگى رۋسسكايا پوليانا ستانساسىنا دەيىنگى تەمىرجول ۋچاسكەسىن قالپىنا كەلتىرۋ, قىزىلجار ءوڭىرىنىڭ ەلدى مەكەندەرىنە گاز تارتۋ جانە باسقا ماسەلەلەر تۋرالى ۇسىنىستار ورتاعا سالىندى. ەكونوميكا, ونەركاسىپ, ءبىلىم بەرۋ, دەنە شىنىقتىرۋ جانە سپورت, دەنساۋلىق ساقتاۋ, اۋىل شارۋاشىلىعى, مادەنيەت سالالارى بويىنشا مەموراندۋمدارعا قول قويىلدى.
قول قويۋ راسىمىنەن كەيىن جۋرناليستەرگە اتقارىلعان جۇمىس جايىن بايانداعان وبلىستار باسشىلارى حالىقارالىق دەڭگەيدە شەشۋدى قاجەت ەتەتىن بىرقاتار ماسەلەلەر بار ەكەنىن ايتا كەلە, مەملەكەتتىك-جەكەمەنشىك ارىپتەستىك اياسىندا بيزنەس وكىلدەرىن تارتۋ ارقىلى ومبى وبلىسىنداعى رۋسسكايا پوليانا ستانساسىنان باستاپ, قازاقستانداعى قىزىلتۋ ستانساسىنا دەيىنگى تەمىرجولدى قالپىنا كەلتىرۋ ماسەلەسىنىڭ تالقىلانعانىن جەتكىزدى. ەرىك حامزا ۇلىنىڭ ايتۋىنشا, ومبى نارىعىنا اۋىل شارۋاشىلىعى تاۋارلارىن ساتۋ جۇمىسىن جولعا قويۋ جوسپاردا بار.
رەسمي ساپار بارىسىندا سولتۇستىكقازاقستاندىق دەلەگاتسيا ومبى وبلىسىنداعى بىرقاتار كاسىپورىنداردىڭ جۇمىسىمەن تانىسىپ, قازاق ءتىلى جانە مادەنيەتى ورتالىعىنىڭ ستۋدەنتتەرىمەن كەزدەستى. وندا سويلەگەندەردىڭ وي-پىكىرلەرى ەلىن اتاسا, ەرىن تانيدى دەگەن ۇلاعاتپەن استاسىپ جاتتى.
اسەم راحمەتوۆا,
وبلىس اكىمى ءباسپاسوز قىزمەتىنىڭ جەتەكشىسى.
سولتۇستىك قازاقستان وبلىسى.