عىلىم جانە جوعارى ءبىلىم ءمينيسترى ساياسات نۇربەك قازاق سپورت جانە تۋريزم اكادەمياسىنىڭ ستۋدەنتى شەرحان قالمۇرزامەن جۇزدەسىپ, «قايرات» فۋتبول كلۋبىنىڭ قاقپاشىسىنا رەكتورلىق ءبىلىم بەرۋ گرانتىن تابىستادى, دەپ جازادى Egemen.kz.
شەرحان قالمۇرزا بۇعان دەيىن اكادەميادا اقىلى نەگىزدە ءبىلىم الىپ جۇرگەن. ساياسات نۇربەك كەزدەسۋدە بۇقارالىق سپورتتى دامىتۋدىڭ ماڭىزدىلىعىنا توقتالىپ, سونداي-اق جوعارى ءبىلىمنىڭ بولاشاق ۇرپاقتى قالىپتاستىرۋدا شەشۋشى ءرول اتقاراتىنىن اتاپ ءوتتى.
«بارلىق سپورتشى حالىقارالىق ستاندارتتارعا ساي ساپالى ءبىلىم الۋى قاجەت ەكەنىن اتاپ وتكىم كەلەدى. بۇل ولارعا سپورتتاعى جوعارى جەتىستىكتەرگە عانا ەمەس, سونىمەن قاتار سپورتتىق مانسابىن اياقتاعاننان كەيىن دە ءتۇرلى سالالاردا قالىپتاسۋعا مۇمكىندىك بەرەدى. جاس قاقپاشىنىڭ كورسەتكەن تاريحي ناتيجەسى – بۇكىل قازاقستاندىق جاستار ءۇشىن جارقىن ۇلگى. ونى وسى جەتىستىگىمەن قۇتتىقتايمىن جانە الداعى ويىنداردا ساتتىلىك تىلەيمىن!», دەدى عىلىم جانە جوعارى ءبىلىم ءمينيسترى.
شەرحان قالمۇرزا كورسەتىلگەن ىلتيپاتقا ريزاشىلىعىن ءبىلدىرىپ, قازاقستانداعى فۋتبولدىڭ دامۋىنا ۇلەس قوسۋعا نيەتتى ەكەنىن جەتكىزدى.