قارتتاردى قادىرلەۋ مەن سىيلاۋ – حالقىمىزدىڭ بەرىك ۇستانعان قاعيداتى. بۇل ۇرپاقتار ساباقتاستىعىن جالعايتىن جانە قوعامنىڭ بەرەكەسى مەن تۇتاستىعىن قالىپتاستىراتىن قۇندىلىقتاردىڭ ءبىرى. وسى رەتتە اباي وبىلىسى قارتتارعا ايىرىقشا قۇرمەت كورسەتتى, دەپ حابارلايدى Egemen.kz.
1 قازان – حالىقارالىق قارتتار كۇنىنە وراي سەمەي قالاسىندا سالتاناتتى قابىلداۋ شاراسى ءوتتى. قاريالارعا قۇرمەت كورسەتۋگە ارنالعان جيىنعا وبلىس اكىمى بەرىك ءۋالي جانە ءوڭىردىڭ قالا-اۋداندارىنان ارداگەرلەر قاتىستى. ايماق باسشىسى ارداگەرلەردى مەرەكەمەن قۇتتىقتاپ, ولاردىڭ قوعامداعى ورنى مەن سىڭىرگەن ەڭبەگىنە قۇرمەت ءبىلدىردى.
«بۇگىن – دانالىق پەن پاراساتتىڭ مەرەكەسى. حالقىمىزدا «قارتىن سىيلاعان ەلدىڭ قازىناسى مول» دەگەن ۇلاعاتتى ءسوز بار. ەگەمەن ەلىمىزدىڭ تاريحي باستاۋىندا تۇرىپ, قۋاتتى مەملەكەتتى قالىپتاستىرۋدا داريا كەۋدە, تاۋ ءمۇسىن, قازىنالى قارتتاردىڭ ەڭبەگى ۇشان-تەڭىز. قازىرگى قوعام جول كورسەتىپ, ءجون سىلتەيتىن ۇلتتىق تاربيەنىڭ نەگىزى بولعان اقساقالدارمەن قۇندى. سىزدەر ونەگەلى ءومىر تاجىريبەسىنىڭ قاينار كوزى, باستاۋ بۇلاعىسىزدار. مەملەكەت تاراپىنان ەل پرەزيدەنتىنىڭ قولداۋىمەن اعا بۋىن وكىلدەرىنە الەۋمەتتىك قولداۋدى كۇشەيتۋ باعىتىندا ناقتى شارالار قابىلدانىپ كەلەدى. اباي وبلىسىندا دا زەينەتكەرلەرگە جان-جاقتى قولداۋ كورسەتۋ باسىم باعىتتاردىڭ ءبىرى بولىپ قالا بەرمەك. اتادان قالعان اماناتتى ۇرپاق بويىنا ءسىڭىرىپ, ساباقتاستىقتى ۇزبەي, قوعام يگىلىگى جولىندا اتقارعان زور ەڭبەكتەرىڭىز ءۇشىن بارشاڭىزعا ريزاشىلىعىمدى بىلدىرەمىن», دەدى وبلىس اكىمى.
ءىس-شارا بارىسىندا ءوڭىردىڭ ءار سالاسىندا ەڭبەگىمەن ەلەنگەن ارداگەرلەر وبلىس اكىمىنىڭ العىسحاتتارىمەن, رەسپۋبليكالىق ارداگەرلەر ۇيىمىنىڭ توسبەلگىسىمەن ماراپاتتالدى. اعا بۋىن وكىلدەرىنە شىعارماشىلىق ۇجىمدار مەرەكەلىك باعدارلاما ۇسىندى. جىلى راۋىشتە وتكەن كەزدەسۋدە ارداگەرلەر ەلدىڭ بەرەكە-بىرلىگى, جاستاردىڭ بولاشاعى تۋرالى ويلارىن ورتاعا سالدى.
«بيىل مەملەكەت باسشىسى «جۇمىسشى ماماندىقتار جىلى» دەپ بەلگىلەندى. بۇگىنگى مەرەكەگە سەمەي, كۋرچاتوۆ قالالارىنان, وبلىسىمىزداعى 10 اۋداننان كەزىندە مەحانيزاتور, ساۋىنشى, شوپان, باقتاشى بولىپ جۇمىس ىستەگەن قاراپايىم ەڭبەك ادامدارىنىڭ ارنايى شاقىرىلىپ, ماراپاتتالىپ جاتقانى ءبىزدى قۋانتىپ وتىر. بارلىق ارداگەرلەردىڭ باسىن قوسىپ, قۇرمەت كورسەتكەنى ءۇشىن ارداگەرلەر ۇيىمى اتىنان ۇلكەن العىسىمدى ايتقىم كەلەدى», دەدى وبلىستىق ارداگەرلەر كەڭەسىنىڭ توراعاسى مۇرات ءالين.
بۇگىندە وڭىردە 100 مىڭعا جۋىق زەينەت جاسىنداعى قاريا تۇرادى. 2023 جىلدان باستاپ وبلىستىق ءماسليحات شەشىمىنە سايكەس, جەرگىلىكتى اتقارۋشى ورگانداردىڭ باستاماسىمەن مەملەكەتتىك-جەكەشەلىك ارىپتەستىك نەگىزىندە «قاراعايلى» ساناتوري-كۋرورتتىق ەمدەۋ ورنىنا زەينەت جاسىنداعى ازاماتتاردى ساۋىقتىرۋ جۇمىستارى ۇيىمداستىرىلدى. ناتيجەسىندە ساۋىقتىرۋ شارالارىمەن 6 مىڭعا جۋىق ادام قامتىلعان.
سونداي-اق اعا بۋىن وكىلىنە قۇرمەت كورسەتۋدەن اياكوز اۋدانى دا قالىس قالعان جوق.ت ۇرپاقتار ساباقتاستىعىن جانە قوعامنىڭ قۇندىلىقتارىن قالىپتاستىراتىن ماڭىزدى مەرەكەدە KAZ Minerals Aktogay كومپانياسى اقتوعاي كەنتى مەن قوپا اۋىلىنىڭ قارت تۇرعىندارىنا ايرىقشا كوڭىل ءبولىپ كەلەدى. قارتتار كۇنىنە وراي كومپانيا اقتوعاي كەنتى مەن قوپا اۋىلىنىڭ 300 قارياسىنا ارنايى مەرەكەلىك ءىس-شارا ۇيىمداستىردى.
«قارتتارعا قامقورلىق – حالقىمىزدىڭ ەڭ ءبىر تاربيەلى ونەگەسى. بۇل يگى ءىستى ۇيىمداستىرعان KAZ Minerals Aktogay كومپانياسىنا ايىرىقشا العىس بىلدىرەمىز. كوش ەرەكشە كوڭىلدى بولدى. «اجەلەر» ءانسامبلى ءان سالدى, ءتۇرلى جارىستار ۇيىمداستىرىلدى. ۇلكەن كىسىلەرگە ك ۇلىپ بەرگەن شاي دا سىيلىق. سوندىقتان وسىناۋ جاس ۇرپاقتىڭ اعا بۋىن وكىلدەرىن قۇرمەتتەۋى – بەرەكەنىڭ بەلگىسى», دەيدى اقتوعاي ارداگەرلەر ۇيىمىنىڭ ءتورايىمى گۇلعايشا اقانقىزى.
مەرەكەلىك جيىندا قارتتارعا ەستەلىك سىيلىقتار تابىستالدى. اعا بۋىن وكىلدەرى وزدەرىنە كورسەتىلگەن ىقىلاس پەن قۇرمەت ءۇشىن كومپانيا باسشىلىعىنا ەرەكشە العىستارىن ءبىلدىردى.
اباي وبلىسى