شاكەن ايمانوۆ اتىنداعى «قازاقفيلم» كينوستۋدياسى ءوزىنىڭ بارلىق نەگىزگى وندىرىستىك نىساندارى مەملەكەت مەنشىگىندە قالاتىنىن رەسمي تۇردە مالىمدەدى, دەپ جازادى Egemen.kz.
اتاپ ايتقاندا, رىسقۇلوۆ داڭعىلىنداعى «پ» ءارپى تۇرىندە جوبالانعان اتاۋلى عيمارات تا «قازاقفيلمنىڭ» مەنشىگىندە. ونى ساتۋ تۋرالى رەسمي اقپارات جوق.
- ءاربىر ازاماتتىڭ ءوز پىكىرىن بىلدىرۋگە قۇقىعى بار. الايدا جالعان اقپارات تاراتۋ قر زاڭناماسىنا قايشى كەلەدى جانە قىلمىستىق كودەكستىڭ 274-بابىنا سايكەس قاتاڭ جاۋاپكەرشىلىك قاراستىرىلعان.
سوڭعى ۋاقىتتا الەۋمەتتىك جەلىلەردە, سونىڭ ىشىندە ەرلان تولەۋتاي مىرزانىڭ جازبالارىندا دا راستالماعان جانە شىندىققا سايكەس كەلمەيتىن اقپاراتتار تاراپ جاتىر. مۇنداي مالىمەتتەر قوعامدا مەملەكەتتىك ورگاندار مەن ۇلتتىق مادەني مەكەمەلەرگە دەگەن سەنىمسىزدىك تۋدىرۋى مۇمكىن.
وسىعان بايلانىستى «قازاقفيلم» ازاماتتاردى تەك رەسمي اقپارات كوزدەرىنە سۇيەنۋگە شاقىرادى, - دەلىنگەن اقپاراتتا.