ۇستازدار ۇستاحاناسى

مۇعالىمدەر اۋلەتىنىڭ ارىدە­گى تاريحى وتكەن عاسىردىڭ ەلۋىنشى جىلدارىنان باستالادى. قارقارالى اۋدانى ف.ەنگەلس اتىن­داعى ورتا مەكتەپكە مۇعالىم بولىپ قابىلدانعان عابدوللا سماعۇلوۆ ۇستازدار اۋلەتى تاريحى­نىڭ التىن پاراعىن اشقان ەدى. قارقارالى پەداگوگيكالىق ۋچي­ليششەسى مەن قاراعاندى پەدا­گوگيكالىق ينستيتۋتىنان ءبىلىم العان عابدوللا مەكتەپتىڭ وقۋ ءىسىنىڭ مەڭگەرۋشىسى, كەيىن قوياندى ورتا مەكتەبىنىڭ ديرەكتورى بولدى. بىلىكتىلىگىمەن كوزگە تۇس­كەن وعان اۋدان باسشىلىعى قارقارالى اۋدانى ارقالىق كەڭشارىنىڭ پارتيا ۇيىمىنىڭ حاتشىسى قىزمەتىن سەنىپ تاپسىرادى. جەتى جىلعا جۋىق ۋاقىت ۇيىم جۇمىسىن ۇتىمدى باسقارادى. ءوزى ەڭبەك جولىن باستاعان مەكتەپكە باسشى بولىپ, وقۋ ورداسىنىڭ ءبىلىم ساپاسىن كوتەرۋگە بار كۇشىن سالادى. قۇرمەتتى ەڭبەك دەمالىسىنا ابىرويلى شىعادى. پاراساتتى پەداگوگ «ەڭبەك اردا­گەرى» مەن «ەرەن ەڭبەگى ءۇشىن» مەملەكەتتىك ماراپاتتىڭ يەسى.

اياۋلى جارى ءبيبىسارا بايما­عان­بەتوۆانىڭ دا ەسىمى مۇعا­لىم­دەر اراسىندا قۇرمەتپەن اتالادى. بىرنەشە وبلىستىق پەداگوگيكالىق وقۋلاردىڭ جۇلدەگەرى اتانعان ءبيبىسارا بىلىكتى باستاۋىش مۇعا­لىمى بولا ءبىلدى. باستاۋىش سىنىپ بالالارىنا ارنالعان ساۋات اشۋ ساباقتارى بويىنشا ازىرلەگەن ءىس-تاجىريبەسى وبلىس مەكتەپتەرىنە تاراتىلعانىن كوزكورگەن قاۋىم ءالى ايتادى ەكەن.

ۇستازدار شاڭىراعىنداعى ۇل-قىزدىڭ بارلىعى دەرلىك اكە-انانىڭ جولىن لايىقتى جالعادى, قازىر ءبىر-ءبىر بىلىكتى پەداگوگ. مىسالى, ۇلكەن قىزدارى عازيزا سماعۇلوۆا بۇگىندە قۇرمەتتى پەداگوگ. ەڭبەك جولىن قارقارالىداعى ارقالىق مەكتەبىندە قازاق ءتىلى مەن ادەبيەتى ءپانىنىڭ مۇعالىمى بولىپ باستاعان ول وقۋ ءىسىنىڭ مەڭگەرۋشىسى, وقۋ ءبولىمىنىڭ ادىسكەرى بولىپ جۇ­مىس ىستەگەن. بۇگىندە ورلەۋ بىلىك­تى­­لىكتى ارتتىرۋ ۇلتتىق ورتا­لى­­­عى­نىڭ كاسىبي دامۋ ينستي­تۋتىندا اعا وقىتۋشى بولىپ قىز­مەت اتقارىپ كەلەدى.

مەكتەپتە ىستەگەن جىلدارى «قازاق ءتىلى مەن ادەبيەتى ءپانى ارقى­لى وقۋشىلاردىڭ ءبىلىم الۋعا قىزى­عۋشىلىعىمەن تانىم بەلسەن­دىلىگىن ارتتىرۋ» اتتى باعدار­لاماسى تاجىريبە رەتىندە وبلىس مەكتەپتەرىنە, «مەك­تەپ رەفور­ماسىنىڭ تالابىنا ساي وقىتۋ ساپاسىن ارتتىرۋعا ارنال­عان ادىستەمەلىك نۇسقاۋلىعى» ەلىمىز­دىڭ ادىستەمەلىك كابينەتتەرى ارقىلى رەسپۋبليكا كولەمىنە تاراتىلعان. شيرەك عاسىردان اسا ۋاقىت ۇستازدىق جولىندا كەلە جاتقان عازيزا عابدوللاقىزىنىڭ ەڭبەگى لايىقتى ەلەنىپ كەلەدى. ء«بىلىم بەرۋ ءىسىنىڭ ۇزدىگى», ء«بىلىم بەرۋ ءىسىنىڭ كۇرمەتتى قىزمەتكەرى», «قاراعاندى وبلىسىنىڭ ءبىلىم سالاسىنا ەڭبەگى سىڭگەن قىزمەتكەرى», «قاراعاندى وبلىسىنىڭ ءبىلىم بەرۋ سالاسىنىڭ قۇرمەتتى پەدا­گوگى» توسبەلگىلەرى مەن جانە مينيسترلىكتىڭ «ەڭبەك ارداگەرى» مەدالىمەن ماراپاتتالعان.

ەكىنشى قىزدارى عاليا اناسى­نىڭ اقىلىن تىڭداپ, باستاۋىش سىنىپ مۇعالىمى ماماندىعىن تاڭدايدى. قىرىق جىلعا جۋىق ۋاقىت نۇرا اۋدانى ك.مىڭباەۆ اتىنداعى مەكتەپتىڭ باستاۋىش سىنىپ مۇعالىمى بولىپ ساباق بەرگەن عاليا ۇستاز قازىر قۇرمەتتى ەڭبەك دەمالىسىندا.

ال عالەل عابدوللا ۇلى – فيزيكا ءپانىنىڭ مۇعالىمى. بىلىكتى ۇس­تاز­دى اۋدان باسشىلىعى كوپ ۇزاماي قارقارالىداعى قارابۇلاق اۋىلىنىڭ №33 مەك­تە­بىنە ديرەك­تور بولىپ تاعايىن­دالادى. اكە­سى سەكىلدى ون جىلعا جۋىق ۋاقىت اۋىل مەكتەبىن باس­قا­رىپ, بالا­لاردىڭ ساپالى ءبىلىم الۋىنا بار جاعدايىن جاسايدى.

قازاق ءتىلى مەن ادەبيەتى ءپانىنىڭ مۇعالىمى گۇلجيحان عابدول­لا­قىزى قىرىق جىلدان اسا تەرەك­تى, بۇركىتتى اۋىلىنىڭ مەكتەپ­تەرىن­دە ساباق بەرەدى. قازىر زەينەت­كە شىققان ۇلاعاتتى ۇستاز ءوزىنىڭ نەمەرەلەرىن ءبىلىم نارىمەن سۋسىنداتىپ وتىر.

اۋلەتتىڭ كەنجە بالاسى قىمبات عابدوللا ۇلى دا فيلولوگ مامان. قازىر قاراعاندى قالاسىنداعى بەلدى وقۋ ورنى «مۇراگەر» مەكتەپ-ليتسەي ينتەرناتىندا قازاق ءتىلى مەن ادەبيەتى ءپانىنىڭ مۇعالىمى, ديرەكتوردىڭ وقۋ ءىسى جونىندەگى ورىنباسارى بولىپ قىزمەت اتقارىپ وتىر. وقۋشىلارى بىر­نەشە رەت رەسپۋبليكالىق ءپان وليمپياداسىنىڭ جۇلدە­گەر­لەرى. ءبىلىم بەرۋ ءىسىنىڭ قۇرمەتتى قىزمەت­كەرى. مۇنىمەن قوسا, قاراعاندى وبلىسى اكىمى سىيلىعىنىڭ يەگەرى.

اۋلەتتىڭ نەمەرەلەرى دە اكە-انالارىنىڭ, اتا-اجەلەرىنىڭ ىزگىلىكتى ءىزىن جالعاپ كەلەدى. تالعات عاليوللا ۇلى قاراعاندىداعى «دارىن» مەكتەپ-ينتەرناتىن ۇزدىك بىتىرگەن. بۇگىنگى كۇنى مامان­داندىرىلعان مۋزىكا مەكتەپ-ينتەرناتىندا قازاق ءتىلى مەن ادەبيەتى ءپانىنىڭ مۇعالىمى, پەدەگوگ-مودەراتور. وقۋشىلارى بىرنەشە مارتە وبلىستىق ءپان وليمپياداسىنىڭ جۇلدەگەرلەرى. ال اقنار راحمەتوللاقىزى ە.بوكەتوۆ اتىنداعى قاراعاندى زەرتتەۋ ۋنيۆەرسيتەتىنىڭ زوولوگيا كافەدراسىندا وقىتۋشى بولىپ جۇمىس ىستەيدى. ءاليا عالەلقىزى «Bi group Aldi bi» بالاباقشاسىندا ادىستەمەشى بولىپ, بالدىرعاندارعا ءارىپ ۇيرەتىپ, ءتالىم بەرىپ ءجۇر.

اۋلەتتىڭ كۇيەۋ بالاسى التىن­بەك باۋەش ۇلىنىڭ دا ەڭبەك ءوتىلى قىرىق جىلدان اسادى. ەڭبەك جولىن ك.مىڭباەۆ اتىن­داعى مەكتەپتە دەنە تەر­بيەسى مۇعالىمى بولىپ جۇمىس ىستەپ, كەيىن مەكتەپ ديرەكتورى قىز­مەتىن اتقارادى. قۇرمەتتى ەڭبەك دەم­الىسىنا شىق­قالى بەرى ەكى جىل ءوتىپتى.

اۋلەتتىڭ كەلىندەرى دە پەداگوگيكا سالاسىندا. گۇلبانۋ عابباسقىزى ماتەماتيكا ءپانىنىڭ مۇعالىمى. «ماتەماتيكانى وقىتۋ ادىستەمەسى پانىنە ارنالعان باقى­لاۋ جۇمىستارى جانە كۋرس­تىق جۇمىستار» ادىستەمەلىك جي­نا­عىن جارىققا شىعارىپ, ءپاندى تەرەڭدەتە وقىتىپ, بىرنەشە شا­كىرت­تەرى وليمپيادا بايقاۋ­لارىنان وزىق شىقتى.

كەلىندەرى ورىنتاي ەگىنباي­قىزى مەن زاۋرە توكەنقىزى – قازاق ءتىلى مەن ادەبي­ەتى ءپانىنىڭ مۇعالىمى, ال قارلىعاش الپىسباەۆا باستا­ۋىش پانىنەن ساباق بەرەدى. تاعى ءبىر فيلولوگ كەلىندەرى, ءتىل جاناشىرى جاننا قايراتقىزى قازىر «نۇرسانا», «Balalem» وقىتۋ ورتالىقتارىنىڭ ديرەكتورى قىزمەتىن اتقارىپ وتىرعان كورىنەدى. ۆەنەرا سابيتقىزى – ە.بوكەتوۆ اتىنداعى قاراعاندى ۋنيۆەرسيتەتى زاڭ فاكۋلتەتىنىڭ اعا وقىتۋشىسى, PhD. ەلميرا ماعاۋقىزى – قازتۇتىنۋوداعى قاراعاندى ەكونوميكالىق ۋني­ۆەرسيتەتى حالىقارالىق باعدار­لامالار جانە جوبالار ورتالىعى كافەد­را­سىنىڭ وقىتۋشىسى. ايگۇل دارىباەۆا استانا قالا­سى ب.مومىش ۇلى اتىنداعى №53 مەك­تەپ-ليتسەيىنىڭ باستاۋىش سىنىپ مۇعالىمى بولىپ جۇمىس ىستەيدى.

مىنە, سماعۇلوۆتار اۋلەتىنىڭ ۇستازدىق جولى مەن ونەگەسى وسىلاي ءورىلىپ وتىر. ءبىلىم باعىنىڭ باعباندارى ءۇشىن ۇستازدار كۇنى اۋلەتتىڭ مەنشىكتى مەرەكەسىندەي بولىپ كەتكەن. مەيرام سالتاناتىنا وراي مىنا ءبىر ءۇردىس ساقتالعان: ءبىرىن-ءبىرىنىڭ شاڭى­راعىنا بارىپ, قۇتتىقتاپ, سىيلىق تابىستاپ, قۋانتادى. وتباسىلىق باسقوسۋ سوڭى ۇنەمى پەداگوگيكالىق كەڭەسكە ۇلاسىپ كەتەتىن كورىنەدى.

قىسقاسى, ءبۇتىن ءبىر اۋلەتتىڭ ەسەلى ەڭبەگى ءبىلىم سالاسىنا, ۇرپاق تاربيەسىنە وسىلاي ءسىڭىپ جاتىر.

قاراعاندى وبلىسى