قوستاناي وبلىسى پروكۋراتۋراسى عيماراتىندا قوستاناي وبلىسىنىڭ جاڭا پروكۋرورى – 3-سىنىپتى مەملەكەتتىك ادىلەت كەڭەسشىسى مارات سەكسەمباەۆتى رەسمي تانىستىرۋ ءراسىمى ءوتتى, دەپ جازادى Egemen.kz.
ءىس-شاراعا قازاقستان رەسپۋبليكاسىنىڭ باس پروكۋرورىنىڭ ورىنباسارى عابيت سادىربەكوۆ, وبلىس اكىمى قۇمار اقساقالوۆ, وبلىستىق باسقارما, دەپارتامەنت باسشىلارى قاتىستى.
مارات سەكسەمباەۆ يسلامحان ۇلى 1979 جىلى قوستاناي وبلىسىنىڭ ارقالىق قالاسىندا دۇنيەگە كەلگەن.
ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا تامامداعان.
ەڭبەك جولىن 2000 جىلى قاراعاندى وبلىسىنىڭ پروكۋراتۋراسىندا باستاعان.
مارات يسلامحان ۇلى قازاقستان رەسپۋبليكاسىنىڭ باس پروكۋراتۋراسىندا جانە قازاقستان رەسپۋبليكاسى باس پروكۋراتۋراسى جانىنداعى قۇقىقتىق ستاتيستيكا جانە ارنايى ەسەپكە الۋ كوميتەتىندە باسشىلىق لاۋازىمداردى اتقارعان.
سونىمەن قاتار, قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتىن, سونداي-اق تالداۋ جانە ستراتەگيالىق جوسپارلاۋ دەپارتامەنتىن باسقارعان.
سىبايلاس جەمقورلىق تۋرالى ىستەردى اشۋ جانە الدىن الۋ دەپارتامەنتىن, قازاقستان رەسپۋبليكاسىنىڭ ەكونوميكالىق جانە سىبايلاس جەمقورلىق قىلمىستارمەن قارسى كۇرەس اگەنتتىگىنىڭ اپپاراتىن (قارجى پوليتسياسى) باسقارعان.
2014 جىلى قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى قىزمەتىنە تاعايىندالدى.
2016 جىلى قازاقستان رەسپۋبليكاسى باس پروكۋراتۋراسىنىڭ قوعامدىق مۇددەلەردى قورعاۋ قىزمەتىنىڭ باستىعى بولىپ تاعايىندالدى.
2017 جىلدان 2021 جىلعا دەيىن قاراعاندى وبلىسىنىڭ پروكۋرورى قىزمەتىن اتقاردى, ال 2021 جىلدان باستاپ قازاقستان رەسپۋبليكاسى باس پروكۋرورى اپپاراتىنىڭ باسشىسى بولدى.
2022 جىلعى 7 قاراشادان باستاپ 2025 جىلعى 29 قىركۇيەككە دەيىن – قازاقستان رەسپۋبليكاسى باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى قىزمەتىن اتقاردى.
قوستاناي وبلىسى