ەلودانىڭ نۇرا اۋدانىندا جالپى اۋماعى 738 شارشى مەتر بولاتىن ويىن الاڭى پايدالانۋعا بەرىلدى. الاڭ كورۋ قابىلەتى ناشار, قوزعالىسى شەكتەۋلى جانە تىرەك-قيمىل اپپاراتى بۇزىلعان بالالاردىڭ قاجەتتىلىكتەرىنە ساي بەيىمدەلىپ, ولاردىڭ ەركىن ويناپ, ءبىلىم الىپ, دامۋىنا جاعداي جاسالعان دەپ جازادى Egemen.kz.
ەرەكشە بالالاردىڭ كەدەرگىسىز ويناۋى ءۇشىن الاڭدا تاكتيلدى پليتكالار مەن باعىتتاۋشى جولاقتار, ءارتۇرلى جابىنداردان قۇرالعان سەزىمدەر جولاعى (شاعال تاس, كوگال, قۇم, بولات, جۇمساق جابىن), برايل قارپىمەن جازىلعان اقپاراتتىق تاقتايشالار ء(الىپبي, الاڭ سىزباسى, باعدارلار), كەڭ جولدار مەن ىڭعايلى ناۆيگاتسيا ورناتىلعان.
دەمالىس جانە تانىم ايماقتارىنا شاتىر استىنداعى شاعىن كىتاپحانا, قول تىرەۋىشى بار ورىندىقتار مەن ومىرتقا اۋرۋىنا بەيىم بالالارعا ارنالعان ارنايى ورىندىقتار, شاتىر استىنداعى اس ۇستەلدەرى, ۆەلوسيپەد پەن اربالارعا ارنالعان تۇراق كىرەدى ويىن جانە سپورت الاڭدارىندا باتۋتتار مەن اتكەنشەكتەر (ونىڭ ىشىندە ۇيا-اتكەنشەك), كەمە پىشىنىندەگى ينكليۋزيۆتى ويىن كەشەنى, ۆوركاۋت ايماعى جانە اربامەن ويناۋعا ىڭعايلى كوتەرىڭكى قۇمسالعىش قويىلعان.
بالالار ءۇشىن ارنايى جاسالعان ينتەراكتيۆتى ميني-قالاشىقتا ءورت ءسوندىرۋ بەكەتى, جەدەل جاردەم, پوليتسيا, قوناقۇي, مەيرامحانا سىندى عيماراتتار مەن باعدارشامدار, جاياۋ جۇرگىنشىلەر وتكەلدەرى, جول بەلگىلەرى سەكىلدى ينفراقۇرىلىم ەلەمەنتتەرى بار.
ء«بىزدىڭ مىندەتىمىز – ءاربىر وتباسىنىڭ ءوزىن قوعامنىڭ نازارىندا, قامقورلىقتا سەزىنۋى ينكليۋزيۆتى ويىن الاڭى – بالالاردىڭ ەش كەدەرگىسىز بىرگە ويناپ, بىرگە دامۋىنا جول اشاتىن ماڭىزدى باستاما», دەدى نۇرا اۋدانىنىڭ اكىمى ريشات تۇردىبەكوۆ.