قازگيدرومەت: بەس وڭىردە كۇن سۋىتىپ, ۇسىك جۇرەدى

مامانداردىڭ ايتۋىنشا, قازاقستاننىڭ باتىسى مەن سولتۇستىك-باتىسىندا انتيتسيكلون اسەرىنەن جاۋىن-شاشىنسىز اۋا رايى ساقتالادى. الايدا, ەلىمىزدىڭ قالعان بولىگىنە اتموسفەرالىق فرونتالدى بولىكتەردىڭ جىلجۋى جاۋىن-شاشىن اكەلەدى.

- ەلىمىزدىڭ وڭتۇستىگىندە, شىعىسىندا, وڭتۇستىك-شىعىسىندا قاتتى جاۋىن-شاشىن (جاڭبىر, قار) بولادى, - دەلىنگەن "قازگيدرومەت" رمك-نىڭ ءباسپاسوز قىزمەتى تاراتقان اقپاراتتا.

سونىمەن قاتار, رەسپۋبليكامىز بويىنشا جەلدىڭ كۇشەيىپ, تۇمان تۇسەدى دەپ كۇتىلەدى. ەلىمىزدىڭ شىعىسىندا كوكتايعاق بولۋى دا مۇمكىن. ۇسىك تە جۇرەدى.

- باتىس قازاقستان وبلىسىنىڭ سولتۇستىگىندە, شىعىسىندا, جامبىل وبلىسىنىڭ تاۋلى اۋداندارىندا, الماتى وبلىسىنىڭ سولتۇستىگىندە, وڭتۇستىگىندە جانە جەتىسۋ وبلىسىندا سىناپ باعانى 1-3 گرادۋس سۋىقتى كورسەتىپ, ۇسىك جۇرەدى, سونداي-اق قىزىلوردا وبلىسىنىڭ باتىسىندا, سولتۇستىگىندە توپىراق بەتى قاتىپ, سىناپ باعانى -2°س-گە دەيىن تومەندەيدى دەپ كۇتىلەدى, - دەلىنگەن حابارلامادا.

باتىس قازاقستان وبلىسىنىڭ باتىسىندا, سولتۇستىگىندە, ورتالىعىندا, اتىراۋ ءوڭىرىنىڭ سولتۇستىك-شىعىسىندا, اقتوبە وبلىسىنىڭ وڭتۇستىگىندە, جامبىل وبلىسىنىڭ ورتالىعىندا ءورت قاۋپى جوعارى.

قىزىلوردا وبلىسىندا, تۇركىستان وبلىسىنىڭ سولتۇستىگىندە, باتىسىندا, شولەيتتى اۋداندارىندا, اتىراۋ وبلىسىنىڭ سولتۇستىگىندە, وڭتۇستىگىندە, شىعىسىندا, جامبىل وبلىسىنىڭ باتىسىندا, سولتۇستىگىندە, باتىس قازاقستان وبلىسىنىڭ سولتۇستىك-باتىسىندا, وڭتۇستىگىندە, وڭتۇستىك-شىعىسىندا, اقتوبە ءوڭىرىنىڭ باتىسىندا, سولتۇستىگىندە, سولتۇستىك-شىعىسىندا, ورتالىعىندا, الماتى وبلىسىنىڭ سولتۇستىگىندە, ۇلىتاۋ وبلىسىنىڭ وڭتۇستىگىندە توتەنشە ءورت قاۋپى كۇتىلەدى.

وسى ۋاقىتتا الماتى مەن تاراز تاۋلارىندا قار جاۋىپ تۇر.