اتىراۋداعى قوناق ءۇيدىڭ بىرىندە مۇناي وڭدەۋ زاۋىتىنىڭ بۇرىنعى باس ديرەكتورى مۇرات دوسمۇراتوۆ ومىردەن ءوتتى. ونىڭ قازاسىنا جۇرەك تالماسى سەبەپ بولعان, دەپ حابارلايدى Egemen.kz.
مۇرات دوسمۇراتوۆ 1963 جىلى تۋعان. ماسكەۋ مۇنايحيميا جانە گاز ونەركاسىبى ينستيتۋتىن «ينجەنەر-حيميك-تەحنولوگ» ماماندىعىمەن بىتىرگەن. ءار جىلدارى «قازمۇنايگاز», Kazakhstan Petrochemical Industries, KLPE سەكىلدى مۇناي-گازز ونەركاسىبىندەگى كومپانيالاردا باسشىلىق لاۋازىمدى اتقارعان. ال 2022 جىلدىڭ شىلدەسىنەن 2024 جىلدىڭ قاڭتارىنا دەيىن اتىراۋ مۇناي وڭدەۋ زاۋىتىنىڭ باس ديرەكتورى بولدى.
الايدا بىلتىر وعان قىلمىستىق كودەكستىڭ 371-بابىنىڭ 2-بولىگىمەن ايىپ تاعىلعان ەدى. اتىراۋ قالاسىنىڭ №2 سوتى ونى اتالعان باپپەن كىنالى دەپ تانىدى. ال بيىلعى قاڭتاردا اتىراۋ وبلىستىق سوتىنىڭ اپەللياتسيالىق القاسى ء«اموز» جشس-ءنىڭ بۇرىنعى باس ديرەكتورىنا قاتىستى ۇكىمدى قايتا قارادى.
ء«بىرىنشى ساتى سوتىنىڭ ۇكىمى وزگەرتىلىپ, سوتتالۋشىعا قر قىلمىستىق كودەسىنىڭ 371-بابىنىڭ 2-بولىگى بويىنشا 6,9 ملن تەڭگە (2023 جىلعا 2 000 اەك) كولەمىندە ايىپپۇل سالۋ جازاسى تاعايىندالدى», دەپ حابارلاعان ەدى وبلىستىق سوتتان.
دەگەنمەن, تامىزدا بۇل ءىس اتىراۋ وبلىستىق سوتىنىڭ قىلمىستىق ىستەر جونىندەگى سوت القاسىندا ءبىرىنشى ساتىداعى تارتىپپەن ء«اموز» جشس-ءنىڭ بۇرىنعى باس ديرەكتورى مۇرات دوسمۇراتوۆقا قاتىستى قىلمىستىق ءىس قارالدى.
«پروكۋروردىڭ مەملەكەتتىك ايىپتاۋدى قولداۋدان باس تارتۋىنا, دوسمۇراتوۆتىڭ ارەكەتتەرىندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى. دوسمۇراتوۆقا قىلمىستىق پروتسەستى جۇرگىزەتىن ورگاننىڭ زاڭسىز ارەكەتتەرى سالدارىنان كەلتىرىلگەن زياندى وتەۋ جانە وڭالتۋ قۇقىعى ءتۇسىندىرىلدى», دەپ ءمالىم ەتتى وبلىستىق سوتتىڭ ءباسپاسوز قىزمەتى.