ستەنفورد ۋنيۆەرسيتەتىنىڭ عالىمدار توبى جاساندى ينتەللەكت كومەگىمەن العاش رەت گەنوم دەڭگەيىندە تولىق ءارى ۇيلەسىمدى ۆيرۋس تىزبەكتەرىن قۇراستىرعانىن مالىمدەدى.
قازىرگى تاڭدا وسى ۆيرۋستاردى مەديتسينادا, اتاپ ايتقاندا, انتيبيوتيكتەرگە ءتوزىمدى باكتەريالارمەن كۇرەسۋدە جانە ءتۇرلى جۇقپالى اۋرۋلاردى ەمدەۋدە قولدانۋ جوسپارلانىپ وتىر. بۇل ءتاسىل ءداستۇرلى ەمدەۋ ادىستەرىنە بالاما رەتىندە قاراستىرىلىپ, مەديتسينادا جاڭا باعىت قالىپتاسۋى مۇمكىن. عالىمداردىڭ ايتۋىنشا, بولاشاقتا جاساندى ينتەللەكت ارقىلى جاسالعان وسىنداي ۆيرۋستار مەن گەنەتيكالىق قۇرىلىمدار ءتىرى اعزالاردى قۇراستىرۋعا, سونىڭ ىشىندە سينتەتيكالىق ورگانيزمدەر جاساۋعا نەگىز بولماق.