«قايراتتىڭ» باس باپكەرى رافاەل ۋرازباحتين 14 قىركۇيەك كۇنى «اقتوبەگە» قارسى ويىندا اۋىر جاراقات العان قاقپاشى تەمىرلان اناربەكوۆتىڭ جاعدايى تۋرالى ايتتى, دەپ حابارلايدى Egemen.kz.
باس باپكەردىڭ ايتۋىنشا, تەمىرلان اناربەكوۆ 25 قىركۇيەكتە اۋرۋحانادان شىعارىلعان.
«اناربەكوۆ قازىردىڭ وزىندە بازاعا كەلدى. شىنى كەرەك, مەديتسينالىق تەرميندەردى بىلمەيمىن, بىراق ونىڭ جاق سۇيەگىنە بەلگىلى ءبىر فيكساتسيا قويىلعان, سوندىقتان ازىرگە اۋزىن قاتتى اشا المايدى. الداعى كۇندەرى ول فيكساتسيا الىنىپ تاستالادى. سول كەزدە بىرتىندەپ جاتتىعۋعا كىرىسە الادى. ەڭ باستىسى وعان ورناتىلعان تيتانداردىڭ دۇرىس ورنىعىپ, ءسىڭىسۋى. دارىگەرلەردىڭ ايتۋىنشا, ءبارى جوسپارعا ساي ءجۇرىپ جاتىر», دەدى ول.
سونىمەن قاتار, ول جاراقاتىنان ايىعىپ جاتقان تاعى ءبىر قاقپاشى الەكساندر زارۋتسكيدىڭ ەكى-ءۇش كۇندە جاتتىعۋدى باستايتىنىن ايتتى.