بيىل «Saraishyq Upgrade – 2025» حالىقارالىق جاستار فورۋمىنا ەلىمىزدىڭ بارلىق ءوڭىرى مەن رەسەيدەن, قىرعىزستاننان, ازەربايجان مەن وزبەكستان ەلىنەن 300-دەن استام جاس قاتىسۋعا نيەت ءبىلدىردى, دەپ حابارلايدى Egemen.kz.
اتىراۋ وبلىسى اكىمىنىڭ ورىنباسارى دارىن شامۇراتوۆتىڭ ايتۋىنشا, بيىل اتالعان فورۋم ءۇشىنشى رەت وتكىزىلىپ وتىر.
«بۇل فورۋم ەلىمىزدىڭ كرەاتيۆتى يندۋسترياسىنا تىڭ سەرپىن بەرەتىنىنە سەنەمىز. جاستارىمىز تەك شيكىزات پەن ءوندىرىس سالاسى ەمەس, وزدەرىنىڭ اقىل-ويى مەن كرەاتيۆتى باستامالارىمەن ەل ەكونوميكاسىنا ۇلەس قوسۋعا بولاتىنىن دالەلدەپ كەلەدى. فورۋمعا كرەاتيۆتى جاستار قازاقستاندى جاڭا دەڭگەيگە كوتەرۋگە ءوز ۇلەسىن قوسقىسى كەلەدى», دەدى دارىن شامۇراتوۆ.
فورۋمدا كرەاتيۆتى يندۋستريالار, تەحنولوگيا مەن جاستار ساياساتى سالالارىنىڭ بەلگىلى ساراپشىلارى مەن ماماندارى سەمينار وتكىزەدى. جاستار كينەموتوگرافيا, مۋزىكا, IT جانە جاساندى ينتەللەكت, ماركەتينگ, تەاتر مەن حورەوگرافيا سالالالارىندا تاجىريبە الماسادى.
قاتىسۋشىلار اراسىندا ءار باعىت بويىنشا كونكۋرس وتەدى. جۇمىسى ۇزدىك تانىلعان التى جاسقا 500 مىڭ تەڭگە كولەمىندە اقشالاي سىياقى تابىستالادى