قازاقستان پرەزيدەنتىنىڭ امەريكا قۇراما شتاتتارىنىڭ ىسكەر توپتارى وكىلدەرىمەن كەزدەسۋى Chevron كورپوراتسياسى ديرەكتورلار كەڭەسىنىڭ توراعاسى جانە باس اتقارۋشى ديرەكتورى مايكل ءۋيرتتى قابىلداۋمەن جالعاستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى كورپوراتسيا ەلىمىزدىڭ ەكونوميكالىق دامۋىنا زور ۇلەس قوسقانىن ايتتى. تاۋەلسىزدىك جىلدارى Chevron تەڭىز, قاراشىعاناق سياقتى ءىرى كەن ورىندارىن يگەرۋگە اتسالىسىپ, قازاقستانعا 55 ميلليارد دوللارعا جۋىق ينۆەستيتسيا قۇيدى. قازىر الەمدەگى ەڭ ءىرى ەنەرگەتيكالىق كومپانيا وندىرەتىن جالپى ءونىمىنىڭ 25 پايىزى قازاقستانعا تيەسىلى.
كەزدەسۋدە كەلەشەكتە تەڭىز كەنىشىنىڭ اياسىن كەڭەيتۋ جوباسىن ىسكە اسىرۋ ماسەلەلەرىنە, قاراشىعاناقتا گاز ءوندىرۋ مەن قايتا وڭدەۋ پەرسپەكتيۆاسىنا, سونداي-اق الەمدىك نارىققا كومىرسۋتەگىن تاسىمالداۋ ءىسىن دامىتۋعا, سونىڭ ىشىندە ورتا ءدالىز ارقىلى جەتكىزۋگە باسا ءمان بەرىلدى.