قازاقستان اتىنان قاتىسقان Amre ۇزدىك وندىققا كىردى, دەپ جازادى Egemen.kz.
ماسكەۋدە وتكەن «ينتەرۆيدەنيە» حالىقارالىق ءان بايقاۋىندا ۆەتنامدىق ءانشى دىك فۋك جەڭىمپاز بولدى.
قىرعىزستان ەكىنشى ورىندى يەلەندى, ال قاتار ۇزدىك ۇشتىكتى تۇيىندەدى.
جەڭىمپازدى ءار ەلدەن ءبىر ساراپشىدان تۇراتىن حالىقارالىق كاسىبي قازىلار القاسى انىقتادى. جەڭىمپازعا 194,7 ميلليون تەڭگە (359 800 اقش دوللارى) كولەمىندە اقشالاي سىيلىق بەرىلەدى. ولار سونداي-اق باق مارتەبەسى مەن سەرىكتەس سىيلىقتارىن الادى.
«Live ارەنا» الاڭىنداعى ساحناعا 22 مەملەكەتتىڭ وكىلدەرى شىقتى. قازاقستان اتىنان Amre ەسىمىمەن تانىمال بولعان ەرنار سادىرباەۆ قاتىستى.
قازىرگى قازاق ەستراداسىنىڭ ەڭ كورنەكتى وكىلدەرىنىڭ ءبىرى 7-ءشى نومىرمەن ونەر كورسەتىپ, 339 داۋىس جيناپ, 7-ورىنعا يە بولدى. Amre-مەن بىرگە ساحنادا جاس اكتريسا جاسمين قايراتقىزى ونەر كورسەتتى.
ايتا كەتەرى, «ينتەرۆيدەنيە» – 1960 جىلداردان باستاۋ العان كوپجىلدىق تاريحى بار بايقاۋ.
كەلەسى جىلى «ينتەرۆيدەنيە» حالىقارالىق مۋزىكالىق بايقاۋى ساۋد ارابياسىندا وتەدى.
ء«بىز ساۋد ارابياسى كورولدىگىنىڭ 2026 جىلى «ينتەرۆيدەنيە» ءان بايقاۋىن وتكىزۋگە دايىن ەكەنىن قۋانا حابارلايمىز», - دەدى جۇرگىزۋشى ايدا گاريفۋللينا.