مەملەكەت باسشىسى قاسىم-جومارت توقاەۆ ءباا يسلام جانە ۋاقىپتار ىستەرى جونىندەگى باس باسقارماسىنىڭ توراعاسى ومار حابتۋر ءال-دارەيمەن كەزدەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت مەيمانعا ءىلتيپات تانىتىپ, الەمدىك جانە ءداستۇرلى دىندەر كوشباسشىلارىنىڭ VIII سەزىنە قاتىسقانى ءۇشىن ريزاشىلىق ءبىلدىردى.
قاسىم-جومارت توقاەۆ پەن ومار حابتۋر ءال-دارەي الەمدەگى رۋحاني احۋال ماسەلەلەرى جونىندە پىكىر الماسىپ, دىنارالىق ديالوگتى دامىتۋدىڭ ماڭىزىن اتاپ ءوتتى. سونداي-اق ءتۇرلى كونفەسسيالار اراسىندا ءوزارا تۇسىنىستىك پەن ۇيلەسىمدى نىعايتۋعا باعىتتالعان بىرلەسكەن كۇش-جىگەردىڭ وزەكتىلىگىنە توقتالدى.