شەكارالىق وتكىزۋ بەكەتتەرىن جاڭعىرتۋدىڭ رەسپۋبليكالىق جول كارتاسىنا پاۆلودار وبلىسىنان 5 اۆتوكولىك وتكىزۋ بەكەتى ەنگىزىلگەن, حابارلايدى Egemen.kz.
مەملەكەت باسشىسى بيىلعى جولداۋىندا ەلىمىزدەگى شەكارالىق بەكەتتەردىڭ جاڭعىرتۋدان وتكىزۋ مىندەتىن قويعانى ءمالىم. ەرتىس-بايان وڭىرىندەگى شەكارالىق بەكەتتەردىڭ بارلىعى رەسەي فەدەراتسياسىمەن ارادا ورنالاسقان.
-2025-2027 جىلدار ارالىعىندا پاۆلودار وبلىسىندا رەسەيمەن شەكاراداعى بىرنەشە اۆتوكولىك وتكىزۋ بەكەتىن جاڭعىرتۋ جوسپارلانىپ وتىر. بۇل جوبانىڭ ماقساتى — شەكاراداعى ينفراقۇرىلىمدى جاقسارتۋ, وتكىزۋ قابىلەتىن ارتتىرۋ جانە زاڭسىز تاسىمالدىڭ الدىن الۋ. رەسپۋبليكالىق جول كارتاسىنا «قوساق», «ۇرلىتوبە», «شارباقتى», «امانگەلدى», «نايزا» اۆتوموبيل وتكىزۋ بەكەتتەرى ەندى.
بيىل جالپى سوماسى 16 ملرد تەڭگەگە «قوساق» اۆتوكولىك وكىزۋ بەكەتىن جاڭعىرتۋ جۇمىستارى باستالدى. كەلەر جىلى 19 ملرد تەڭگەگە «ۇرلىتۇبە» بەكەتىن جاڭارتۋ جوسپارلانىپ قويدى. وزگەلەرى الداعى جىلدارى بىرتىندەپ جاڭارتىلادى, - دەيدى پاۆلودار وبلىسى اكىمىنىڭ ءبىرىنشى ورىنباسارى سەرىك باتىرعۇجينوۆ.
مەملەكەتتىك شەكارا¬دا ورنالاسقان اتالعان وتكىزۋ بەكەتتەرىندە قازىرگى كۇنى حالىقارالىق تاسىمال مەن جولاۋشىلار اعىنى قوزعالىسىنا تۇراقتى مونيتورينگ جۇرگىزىلىپ وتىر.
پاۆلودار وبلىسى