ەلىمىزدە 25 تامىز بەن 5 قىركۇيەك ارالىعىندا وتكەن جوسپاردان تىس تەكسەرىستەردىڭ ناتيجەسىندە اۆياتسيانىڭ جالپى ماقساتتاعى جەتى اۋە كەمەسىنىڭ پايدالانىلۋى توقتاتىلدى. بۇل تۋرالى كولىك مينيسترلىگى حابارلادى, دەپ جازادى Egemen.kz.
ۆەدومستۆو مالىمەتىنشە, ينسپەكتسيا بارىسىندا 31 جەڭىل موتورلى اۋە كەمەسى تەكسەرىلىپ, بىرقاتار زاڭبۇزۋشىلىقتار انىقتالعان. تەكسەرىستەر كەيىنگى ۋاقىتتا جيىلەپ كەتكەن اۆياتسيالىق وقيعالارعا بايلانىستى كۇشەيتىلدى.
مينيسترلىك زاڭسىز اۋە رەيستەرىنە باقىلاۋدى دا ارتتىرعان. ينسپەكتسيالار ەندى تەك ازاماتتاردىڭ شاعىمدارى بويىنشا عانا ەمەس, الەۋمەتتىك جەلىلەردەگى مونيتورينگ ارقىلى دا جۇرگىزىلەدى.
اسىرەسە Instagram, TikTok جانە Telegram جەلىلەرىندە جارنامالاناتىن ەكسكليۋزيۆتى, شولۋ رەيستەرىنە ەرەكشە نازار اۋدارماق. كوبىنە مۇنداي اۋە ساپارلارى ارنايى رۇقساتسىز جۇزەگە اساتىنى انىقتالدى.