الداعى كۇندەرى كەيبىر ايماقتارعا ۇسىك جۇرەدى

11 قىركۇيەكتە سولتۇستىكتە, 11–12 قىركۇيەكتە شىعىستا, 11–13 قىركۇيەكتە قازاقستاننىڭ ورتالىعىندا قاتتى جاڭبىر جاۋادى, سولتۇستىك پەن شىعىستا بۇرشاق پەن داۋىلدى جەل بولۋى مۇمكىن. پەريود سوڭىندا قازاقستاننىڭ وڭتۇستىگى مەن وڭتۇستىك-شىعىسى جوڭعار تسيكلونىنىڭ ىقپالىندا بولىپ, جاڭبىرمەن قاتار اتالعان وڭىرلەردە اۋا تەمپەراتۋراسىنىڭ قىسقا مەرزىمدى جوعارىلاۋى كۇتىلەدى.

رەسپۋبليكا بويىنشا جەل كۇشەيەدى, سولتۇستىك-باتىستا, سولتۇستىكتە, شىعىستا, ورتالىقتا تۇنگى جانە تاڭعى ۋاقىتتا – تۇمان تۇسەدى. ەلدىڭ وڭتۇستىگىندە شاڭدى داۋىل بولجانادى.

كوپتەگەن وڭىرلەردە اۋا تەمپەراتۋراسىنىڭ تومەندەۋى كۇتىلەدى:

باتىستا تۇندە +5…+16°س, كۇندىز +15…+25°س;

سولتۇستىك-باتىستا تۇندە +1…+11°س, جەردىڭ بەتكى قاباتىندا -2°س ۇسىك, كۇندىز +8…+20°س;

سولتۇستىكتە تۇندە +1…+7°س, جەردىڭ بەتكى قاباتىندا -2°س ۇسىك, كۇندىز +8…+16°س;

ورتالىقتا تۇندە +1…+10°س, توپىراق بەتىندە -2°س ۇسىك, كۇندىز +10…+20°س;

شىعىستا تۇندە +1…+11°س, كۇندىز +15…+23°س دەيىن جىلىنادى;

وڭتۇستىكتە تۇندە +12…+20°س, كۇندىز تەمپەراتۋرا +23…+33°س-تەن +25…+35°س ارالىعىندا اۋىتقيدى;

وڭتۇستىك-شىعىستا تۇندە +12…+17°س, تاۋلى اۋدانداردا +2…+7°س, كۇندىز +24…+32°س; تاۋلى اۋدانداردا تۇندە 0…+5°س, كۇندىز +8…+15°س.