قازاقستان اۋماعىنىڭ باسىم بولىگىندە اۋا رايىن تسيكلون مەن سوعان بايلانىستى اتموسفەرالىق فرونتالدى بولىكتەر انىقتايدى – نايزاعاي سوعىپ جاڭبىر جاۋادى, رەسپۋبليكانىڭ سولتۇستىگىندە, وڭتۇستىك-شىعىسىندا, ورتالىعىندا قاتتى جاڭبىر, بۇرشاق, داۋىل بولادى, دەپ حابارلايدى Egemen.kz.
ەلدىڭ باتىسى مەن وڭتۇستىگىندە نەگىزىنەن جاۋىن-شاشىنسىز اۋا رايى كۇتىلەدى. رەسپۋبليكانىڭ كوپتەگەن وڭىرىندە جەل كۇشەيەدى, وڭتۇستىكتە شاڭدى داۋىل, ال باتىستا, سولتۇستىكتە, شىعىستا, ورتالىقتا تۇنگى جانە تاڭعى ۋاقىتتاردا تۇمان تۇسەدى.
«جەتىسۋ وبلىسىنىڭ سولتۇستىگى مەن شىعىسىندا, الماتى وبلىسىنىڭ وڭتۇستىگى مەن شىعىسىندا, قاراعاندى وبلىسىنىڭ سولتۇستىگىندە, اقمولا وبلىسىنىڭ باتىسى, وڭتۇستىگى مەن ورتالىعىندا, باتىس قازاقستان وبلىسىنىڭ وڭتۇستىگى مەن شىعىسىندا, اتىراۋ وبلىسىنىڭ باتىسىندا, اقتوبە وبلىسىنىڭ باتىسى مەن ورتالىعىندا, قوستاناي وبلىسىنىڭ شىعىسىندا, ۇلىتاۋ وبلىسىنىڭ شىعىسىندا ءورت قاۋپى جوعارى بولادى», دەپ حابارلادى سينوپتيكتەر.
الماتى, تۇركىستان, قىزىلوردا, ماڭعىستاۋ, اتىراۋ, جامبىل وبلىستارىندا, جەتىسۋ وبلىسىندا, باتىس قازاقستان وبلىسىنىڭ باتىسىندا, قوستاناي وبلىسىنىڭ وڭتۇستىك-باتىسىندا, قاراعاندى وبلىسىنىڭ وڭتۇستىگىندە, اقتوبە وبلىسىنىڭ شىعىسىندا, ۇلىتاۋ وبلىسىنىڭ وڭتۇستىگىندە توتەنشە ءورت قاۋپى كۇتىلەدى.