قىتايدىڭ گۋاندۋن پروۆينتسياسىندا «تاپا» تايفۋنىنىڭ كۇشەيۋىنە بايلانىستى توتەنشە شارالار قابىلدانىپ, مىڭداعان ادام قاۋىپسىز ايماقتارعا كوشىرىلدى, دەپ حابارلايدى Egemen.kz Xinhua اگەنتتىگىنە سىلتەمە جاساپ.
تايشان قالاسىندا 182 مەكتەپ پەن بالاباقشا ۋاقىتشا جۇمىسىن توقتاتقان. وقۋ ورىندارىنداعى 120 مىڭنان استام وقۋشى ساباقتان بوساتىلعان. ال تسزيانمەن قالاسىندا قاۋىپتى ايماقتاردان 41 مىڭنان استام تۇرعىن ەۆاكۋاتسيالانعان.
اپات سالدارىن ازايتۋ ءۇشىن تسزيانمەندە 43 ەرىكتى تەڭىز قۇتقارۋ جاساعى قۇرىلىپ, 30 كەمە دايىن تۇر. تايشاندا 3,3 مىڭنان استام قۇتقارۋشى تاۋلىك بويى كەزەكشىلىك ەتۋدە. يانتسزيان قالاسىندا تۇرعىندارعا ارنالعان ۋاقىتشا باسپانالار اشىلعان.
سينوپتيكتەردىڭ مالىمەتىنشە, تسزيانمەن ماڭىندا جەلدىڭ جىلدامدىعى سەكۋندىنا 30 مەترگە دەيىن جەتكەن. قاتتى داۋىل نوسەر جاڭبىرمەن بىرگە ءجۇرىپ, كولىك قاتىناسىنا قيىندىق تۋدىرىپ وتىر.
بولجام بويىنشا, «تاپا» سولتۇستىك-باتىسقا قاراي ساعاتىنا 20 شاقىرىم جىلدامدىقپەن جىلجىپ, بىرتىندەپ كۇشىن جوعالتادى.
ايتا كەتەيىك, بۇل قىتايدى بيىل سوققان 16-شى تايفۋن. قولايسىز اۋا رايىنا بايلانىستى پويىز بەن پاروم قوزعالىسى ۋاقىتشا توقتاتىلدى.