وتكەن جىلى ماڭعىستاۋ وبلىسى پروكۋراتۋراسى مۇناي-گاز كاسىپورىندارىندا تەكسەرۋلەر جۇرگىزگەن, دەپ جازادى Egemen.kz.
تەكسەرۋ ناتيجەلەرى بويىنشا «Oil Transport Corporation» جشس قىزمەتىندە جابدىقتى قابىلداۋ كەزىندە بۇزۋشىلىقتار انىقتالىپ, سوتقا دەيىنگى تەرگەپ-تەكسەرۋلەر باستالعان. تەرگەۋ اياسىندا 3 ادام ۇستالعان. ونىڭ ىشىندە كاسىپورىن مەن مەردىگەر كومپانيا باسشىلارى دا بار.
سوت ايىپتالۋشىلاردى كىنالى دەپ تاپتى. كاسىپورىن باس ديرەكتورىنىڭ ورىنباسارى لاۋازىمدىق وكىلەتتىگىن تەرىس پايدالانىپ, اۋىر زارداپتارعا اكەپ سوققان ارەكەتى ءۇشىن سوتتالدى. سوت وعان 3 جىل مەرزىمگە باس بوستاندىعىن شەكتەۋ جازاسىن تاعايىندادى. مەردىگەر كومپانيانىڭ ەكى وكىلى ارقايسىسىنا 2 جىل مەرزىمگە باس بوستاندىعىن شەكتەلدى. سوتتالعاندار 250 ملن تەڭگە كولەمىندە شىعىندى وتەگەن. ۇكىم زاڭدى كۇشىنە ەندى.