بۇگىن قازاقستاننىڭ سولتۇستىگى, شىعىسى جانە ورتالىق ايماقتارىندا جاڭبىر جاۋىپ, نايزاعاي كۇتىلەدى. كەي جەرلەردە بۇرشاق ءتۇسۋى ىقتيمال. ال باتىستا اۋا رايى جاۋىن-شاشىنسىز بولادى, دەپ حابارلايدى Egemen.kz.
ەلىمىزدىڭ كوپتەگەن وڭىرىندە جەل كۇشەيەدى. وڭتۇستىكتە شاڭدى داۋىل بولۋى مۇمكىن, سولتۇستىك پەن شىعىستا تۇنگى جانە تاڭەرتەڭگى ۋاقىتتا تۇمان تۇسەدى.
استانادا كۇن بۇلتتى, جاڭبىر جاۋادى. كۇندىز اۋا تەمپەراتۋراسى+15…+17°C, جەلدىڭ جىلدامدىعى 9–14 م/س, ەكپىنى 15–20 م/س. الماتىدا كۇن الا بۇلتتى, كۇن جىلى. كۇندىز +29…+31°C, جەل 3–8 م/س. ال شىمكەنتتە كۇن الا بۇلتتى. كۇندىز اۋا تەمپەراتۋراسى +29…+31°C, تۇندە جەل 8–13 م/س, كۇندىز 15–20 م/س دەيىن جەتەدى.