قازىرگى ۋاقىتتا وبلىستا 1900 وقۋشى ورنى تاپشى. سالىنىپ جاتقان مەكتەپتەر مەن قوسىمشا عيماراتتار بۇل ماسەلەنى كەلەر جىلى تولىقتاي جويادى, دەپ حابارلايدى Egemen.kz.
بيىلعى وقۋ جىلىندا وڭىردەگى وقۋشى ورىندارىنىڭ تاپشىلىعى ءۇش ەسەدەن اسا ازايعان. وتكەن وقۋ جىلىندا 600-دەن استام ورىن تاپشى بولسا, قازىرگى كۇنى 1900 ورىنعا دەيىن تومەندەگەن.
- وقۋشى ورىندارى تاپشىلىعىن ازايتۋعا «دوستىق» شاعىن اۋدانىندا اشىلعان جاڭا مەكتەپ تە اسەر ەتتى. قازىرگى ۋاقىتتا وبلىس ورتالىعىندا 600 وقۋشىعا ارنالعان تاعى ءبىر جاڭا مەكتەپ سالىنىپ جاتىر. بۇعان قوسا احمەت بايتۇرسىن ۇلى اتىنداعى مەكتەپتە 288 وقۋشىعا ارنالعان قوسىمشا عيمارات تۇرعىزىلۋدا. سونداي-اق كەلەر جىلى ۋسولكا شاعىن اۋدانىندا 1200 وقۋشىعا لايىقتالعان تاعى ءبىر جاڭا مەكتەپ ىسكە قوسىلۋى كەرەك, - دەيدى وبلىستىق ءبىلىم بەرۋ باسقارماسىنىڭ باسشىسى ايگەرىم ابەنوۆا.
ناتيجەسىندە ايماقتاعى ءۇش اۋىسىمدى مەكتەپتەر ماسەلەسى تولىعىمەن شەشىلەدى دەپ كۇتىلىپ وتىر.
پاۆلودار وبلىسى