جامبىل اۋدانىنىڭ ترويتسك اۋىلىندا ءبىر اجەي ورمانعا ساڭىراۋقۇلاق تەرۋگە كەتكەن جەرىنەن اداسىپ, ۋچاسكەلىك پوليتسيانى دۇرلىكتىردى. اجەيدىڭ ۇيگە ورالماي, اداسىپ كەتكەنى تۋرالى ونىڭ جولداسى پوليتسياعا حابارلاعان, دەپ جازادى Egemen.kz.
ۋچاسكەلىك ينسپەكتور بەكزات قايساەۆتان حابار العان اۋداندىق پوليتسيا كريمينالدىق پوليتسيا بولىمشەسىنىڭ باستىعى جولامان اۋباكىروۆ باستاعان ارنايى توپ قۇرىپ, اجەيدى ىزدەۋ شارالارىنا كىرىسەدى. ىزدەۋگە اۋىلدىق وكرۋگ بەلسەندىلەرى, كورشىلەر مەن تانىستار دا قاتىستى.
ولار كەشكە دەيىن جالعاسقان جاقىن ورمانداردى تۇگەل ءسۇزىپ شىققان. اجەي تەك كەش باتا, كومەك سۇراپ ايعايلاعان داۋسىنان تابىلدى. ءوزى اۋىلىنان 10 شاقىرىمداي الىسقا كەتىپ قالعان ەكەن. ايتەۋىر امان-ەسەن تابىلعان اجەي پوليتسيا مەن ىزدەۋگە قاتىسقان تۇرعىنداردىڭ بارىنە العىس ايتتى.
سولتۇستىك قازاقستان وبلىسى