World Boxing-ءتىڭ ۇيىتقى بولۋىمەن بوكستان ليۆەرپۋلدە ءوتىپ جاتقان الەم چەمپيوناتىندا 54 كەلىدە قازاقستان ايەلدەر قۇراماسىنىڭ مۇشەسى ەلينا بازاروۆا جارىستى العاشقى اينالىمنان اياقتادى, دەپ جازادى Egemen.kz.
پاريج وليمپياداسىنىڭ قاتىسۋشىسى نيگينا ۋكتاموۆا وتانداسىمىزدى 5: 0 ەسەبىمەن جەڭدى. جەكپە-جەك بارىسىندا ۋكتاموۆانىڭ پايداسىنا نوكداۋن دا تىركەلدى.
سونىمەن قاتار جارىستىڭ العاشقى كۇنى شارشى الاڭعا شىققان ساعىندىق توعامباي انگليالىق يسااك وكودان باسىم ءتۇستى. تارتىستى وتكەن باسەكەدە 3: 2 ەسەبى تىركەلىپ, وتانداسىمىزدىڭ قولى كوتەرىلدى. 90 كەلىدە ەل نامىسىن قورعايتىن ساعىندىق توعامباي كەلەسى جەكپە-جەگىن 8 قىركۇيەك كۇنى يرلانديا وكىلى دجەك مارلەيگە قارسى وتكىزەدى.