ەلىمىزدە ءوندىرىس كولەمى 6,9%-عا ارتقان. بۇل رەتتە نەگىزگى كورسەتكىشتى 6,1%-عا وسكەن وڭدەۋ سالاسى قامتىعان, دەپ جازادى Egemen.kz.
ءوسۋ درايۆەرى ماشينا جاساۋ سالاسىندا 14% جەتكەن. وڭ ديناميكالار مەتاللۋرگيادا (+1,3%), حيميا ونەركاسىبىندە (+6%) جانە قۇرىلىس ماتەريالدارى وندىرىسىندە (+4,7%) تىركەلگەن.
سونداي-اق, ءىرى كاسىپورىندارمەن ۇزاقمەرزىمدى كەلىسىمشارتتار مەن وفتەيك-كەلىسىمشارتتار كولەمى 2 ەسەگە ءوسىپ, 147 ملرد تەڭگەدەن اسقان. 16 ارنايى ەكونوميكالىق جانە 55 يندۋستريالىق ايماق تۇرىندەگى ينفراقۇرىلىم بەلسەندى دامىپ كەلەدى.
«ارنايى ەكونوميكالىق جانە يندۋستريالدى ايماقتار – جاڭا وندىرىستەردى جۇزەگە اسىرۋدىڭ نەگىزگى قۇرالدارىنىڭ ءبىرى. ايماقتار قاجەتتى ينفراقۇرىلىممەن قامتاماسىز ەتىلگەن جانە جوبالاردى جۇزەگە اسىرۋ ءۇشىن بيزنەسكە تابىستالادى. وڭدەۋ ونەركاسىبىندەگى جاڭا باستامالاردى قولداۋ ءۇشىن شاعىن ونەركاسىپتىك ايماقتار قۇرۋ قۇرالى ىسكە قوسىلدى, وندا دايىن ونەركاسىپتىك الاڭدار جەڭىلدىكتى باعامەن جالعا بەرىلەدى. مۇنداي ايماقتار 8 وڭىردە سالىنىپ جاتىر, 90-عا جۋىق جوبانى ىسكە قوسىپ, 3 مىڭنان استام جۇمىس ورنىن اشۋ جوسپارلانعان», دەدى ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ.
بيىل وڭدەۋ ونەركاسىبىندە شامامەن 1,5 ترلن تەڭگەنى قۇرايتىن 190 جوبانى جۇزەگە اسىرۋ كوزدەلگەن. بۇل 23 مىڭ تۇراقتى جۇمىس ورنىن اشۋعا مۇمكىندىك بەرەدى.