الماتى قالاسى پروكۋراتۋراسىنىڭ, ۇقك قالا بويىنشا دەپارتامەنتىنىڭ ۇيلەستىرۋىمەن, سونداي-اق ينتەرپولدىڭ جانە قازاقستان رەسپۋبليكاسىنىڭ ومان سۇلتاندىعىنداعى ەلشىلىگىنىڭ جاردەمدەسۋىمەن, قازاقستان رەسپۋبليكاسىنىڭ ازاماتشاسىن شەتەلگە ەڭبەككە پايدالانۋ ءۇشىن زاڭسىز تارتۋ جانە اكەتۋ ارەكەتىنىڭ جولى كەسىلدى. بۇل تۋرالى الماتى قالاسى پروكۋراتۋراسى ءمالىم ەتتى.
— زارداپ شەگۋشىنىڭ ۇزاق ۋاقىت بويى «حانيفا» اتتى شەتەل ازاماتىمەن بايلانىستا بولعاندىعى انىقتالدى, ول وعان جۇمىسقا ورنالاسۋ ءۇشىن تاياۋ شىعىس ەلدەرىنىڭ بىرىنە كوشۋدى بىرنەشە رەت ۇسىنا وتىرىپ, ءتيىمدى جۇمىس جاعدايلارىن ۋادە ەتكەن, — دەلىنگەن حابارلامادا.
ايەل جاقىندارىن حاباردار ەتپەستەن, ءوز بەتىنشە شەتەلگە ۇشىپ كەتكەن.
ومان سۇلتاندىعىنىڭ حالىقارالىق اۋەجايىنا كەلگەننەن كەيىن, ول جەدەل ءىس-شارالارىنىڭ ناتيجەسىندە ۇستالىپ, سول كۇنى وتانىنا قايتارىلدى.
— الماتى قالاسىنىڭ پروكۋراتۋراسى شەتەلدەردە جۇمىسقا ورنالاسۋ تۋرالى ۇسىنىستاردى العان كەزدە ازاماتتار الاياقتارمەن ادام ساتۋشىلاردىڭ قۇربانى بولماس ءۇشىن قىراعىلىق تانىتۋلارى جانە اقپاراتتىڭ دۇرىستىعىن تەكسەرۋلەرى كەرەكتىگىن ەسكەرتەدى, — دەپ ەسكەرتتى پروكۋراتۋرادان.