«قازگيدرومەت» رمك ءباسپاسوز قىزمەتى قازاقستان بويىنشا 2025 جىلعى 30 تامىز – 1 قىركۇيەك ارالىعىنا ارنالعان اۋا رايى بولجامىن ۇسىندى, دەپ حابارلايدى Egemen.kz.
«جىلى كۇندەردەن كەيىن قازاقستان اۋماعىنا باتىس انتيتسيكلون ىعىسا باستايدى. سۋىق اۋا ماسسالارىمەن تولىعىپ, ول ەلىمىزدىڭ باسىم بولىگىندە تەمپەراتۋرانىڭ ايتارلىقتاي تومەندەۋىنە اكەلەدى. سولتۇستىك پەن شىعىس وڭىرلەردە كۇندىزگى ۋاقىتتا اۋا تەمپەراتۋراسى +12…+17 گرادۋسقا دەيىن تومەندەيدى. ءتىپتى وڭتۇستىك ايماقتاردا دا ىستىقتىڭ باسەڭدەۋى +23…+28 گرادۋسقا دەيىن كۇتىلەدى», دەلىنگەن حابارلامادا.
ال باتىس وڭىرلەر عانا يران اۋماقتارىنان كەلەتىن جىلى اۋا ماسساسىنىڭ ىقپالىندا بولادى. بۇل ايماقتاردا اۋا تەمپەراتۋراسى بىرتىندەپ كوتەرىلىپ, قاتتى ىستىققا – +32…+37 گرادۋسقا دەيىن جەتەدى دەپ بولجانىپ جاتىر.