ءبىر جىلدا ازىق-ت ۇلىك باعاسى قالاي وزگەردى؟

2025 جىلعى 26 تامىزداعى دەرەكتەرگە سايكەس, ەلدەگى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى وتكەن جىلمەن سالىستىرعاندا ورتا ەسەپپەن 12,6%-عا وسكەن. بۇل كورسەتكىش قازاقستاندىق وتباسىلاردىڭ كۇندەلىكتى تۇتىناتىن ونىمدەرىنىڭ بىرقاتارىنا ايتارلىقتاي اسەر ەتكەنىن اڭعارتادى.

ەت پەن ماي ونىمدەرىندەگى ءوسىم

باعا ءوسىمىنىڭ الدىڭعى قاتارىندا ەت پەن ماي تۇر. قوي ەتى ءبىر جىلدا 15,3%-عا, سيىر ەتى 13,2%-عا, ال قۇس ەتى 12,1%-عا قىمباتتاعان. سونىمەن قاتار كۇنباعىس مايىنىڭ باعاسى 18,4%-عا وسكەن. بۇل ءوسىم – كۇندەلىكتى اس دايىنداۋدا ەڭ كوپ قولدانىلاتىن ءونىمنىڭ وتباسى بيۋدجەتىنە ايتارلىقتاي سالماق تۇسىرەتىنىن كورسەتەدى.

سالىستىرمالى تۇردە تۇراقتى تاۋارلار

ۇن مەن نان باعاسى اسا قاتتى قىمباتتاماعان. ءبىرىنشى سورتتى ۇن باعاسى  4,5%-عا, ال بيداي نانى باعاسى 6,3%-عا وسكەن. ساراپشىلاردىڭ پىكىرىنشە, بۇل مەملەكەت تاراپىنان تۇراقتاندىرۋ قورلارى مەن باقىلاۋ شارالارىنىڭ اسەرىن بايقاتادى. دەگەنمەن قانتتىڭ 10,4%-عا, كۇرىشتىڭ 12,3%-عا قىمباتتاۋى دا تۇتىنۋشىلاردىڭ قالتاسىنا اسەر ەتپەي قويماسى انىق.

ماۋسىمدىق ونىمدەر مەن ايماقتىق ايىرماشىلىقتار

كوكونىس ونىمدەرىندە جازعى ماۋسىم اسەرىنەن ءبىرشاما ارزانداۋ بايقالعان. اسىرەسە كارتوپ, ءسابىز, قىرىققابات سەكىلدى كوكونىستەردىڭ باعاسى اۋىلدىق جەرلەردە تومەندەگەن. الايدا جالپى يندەكس ءوسىمى ءىرى قالالاردا جوعارىراق. استانا مەن الماتىدا باعا ءوسىمى رەسپۋبليكالىق ورتاشا كورسەتكىشتەن جوعارى بولسا, تۇركىستان مەن قىزىلوردا وبلىستارىندا كورسەتكىش تومەنىرەك تىركەلگەن.

جالپى العاندا, قىمباتتاۋدىڭ نەگىزگى بولىگى اقۋىزدىق ونىمدەر مەن مايعا تيەسىلى بولىپ وتىر. بۇل وتباسىلىق شىعىن قۇرىلىمىندا ازىق-ت ۇلىكتىڭ ەڭ ماڭىزدى بولىگىن قامتيتىن تاۋارلار. ال كومىرسۋلارعا نەگىزدەلگەن ونىمدەر – ۇن, نان سەكىلدى تاۋارلار – سالىستىرمالى تۇراقتى. ۇلتتىق ستاتيستيكا بيۋروسى جاريالاعان دەرەككە سايكەس, ەلدەگى قىمباتشىلىق ەت, ماي جانە كەيبىر جارما ونىمدەرىنىڭ باعاسىنان بايقالادى.