تسيفرلاندىرۋ جاعدايىندا ينتەرنەت-الاياقتىق قىلمىستارىنىڭ سانى كۇرت ءوسىپ كەلەدى. سول ورايدا ازاماتتاردى قورعاۋ ءۇشىن ىشكى ىستەر مينيسترلىگى جۇيەلى شارالاردى جۇزەگە اسىرىپ جاتىر, دەپ حابارلايدى Egemen.kz.
ناقتى اتاعاندا, ەرتە ارەكەت ەتۋ جۇيەلەرى ەنگىزىلىپ جاتىر, كۇماندى قوڭىراۋلار مەن ترانزاكتسيالار بۇعاتتالادى. تەك سوڭعى ايلاردا عانا 2,6 ملرد تەڭگەدەن استام قارجى ۇرلىعىنىڭ الدى الىندى.
جەدەل قىزمەتتەر الاياقتار پايدالانعان 88 مىڭنان استام SIM-كارتانى تاركىلەگەن, سونداي-اق 67 ملن-نان استام جالعان حالىقارالىق قوڭىراۋدىڭ جولى كەسىلىپ وتىر. بۇدان بولەك, مينيسترلىك الدىن الۋ جۇمىستارىن بەلسەندى جۇرگىزىپ جاتىر. اتاپ ايتقاندا, مەكتەپ وقۋشىلارىنا, ستۋدەنتتەرگە جانە زەينەتكەرلەرگە ارنالعان سەمينارلاردا قاۋىپتى الاياقتىق ءىس-قيمىلداردى تاني ءبىلۋ جانە قارجىنى قورعاۋ جولدارى ۇيرەتىلەدى.