قازاقستان ۇكىمەتى ازاماتتاردىڭ ەڭ وسال ساناتتارى – ايەلدەر مەن بالالاردىڭ قاۋىپسىزدىگىن قامتاماسىز ەتۋدى باستى باعىتتاردىڭ ءبىرى رەتىندە ايقىنداپ وتىر. وسى ماقساتتا ىشكى ىستەر مينيسترلىگىنىڭ قۇرىلىمىندا تۇرمىستىق زورلىق-زومبىلىققا قارسى كۇرەس جونىندەگى ارنايى باسقارما قۇرىلدى, دەپ حابارلايدى Egemen.kz.
جاڭا زاڭنامالىق وزگەرىستەرگە سايكەس, ۇرىپ-سوعۋ جانە دەنساۋلىققا قاساقانا جەڭىل زيان كەلتىرۋ ەندى قىلمىستىق جاۋاپكەرشىلىككە جاتقىزىلدى. بيىلعى جىلدىڭ جەتى ايىندا وتباسىلىق زورلىق-زومبىلىق دەرەكتەرى بويىنشا 8 مىڭنان استام قىلمىستىق ءىس تىركەلگەن.
سونىمەن قاتار جاڭا قۇقىقتىق تەتىكتەردىڭ ارقاسىندا سوتتار 56 مىڭنان استام قورعاۋ نۇسقاماسىن شىعارىپ, 19 مىڭنان استام قۇقىق بۇزۋشى اكىمشىلىك قاماۋعا الىنعان. سونداي-اق مىڭداعان ايەل مەن بالاعا داعدارىس ورتالىقتارىندا قاجەتتى كومەك كورسەتىلگەن.