قازاقستان رەسپۋبليكاسى كونستيتۋتسياسى كۇنى قارساڭىندا تسەلينوگراد اۋدانىنداعى اققايىڭ اۋىلىندا اق تۇيەنىڭ قارنى جارىلعان وقيعا ورىن الدى, دەپ حابارلايدى Egemen.kz.
233 ۇيگە كوگىلدىر وتىن قوسىلدى. جالپى ۇزىندىعى 62,8 شاقىرىم گاز قۇبىرىنىڭ 7,4 شاقىرىمى ورتاشا قىسىمدىلىقتا بولسا, 55,4 شاقىرىمى تومەن قىسىمدا. ەلەۋلى وقيعا ورىن العان كەزدە ەلدەگى قۋانىش ەسەلەنە ءتۇستى. بالالاردىڭ سپورت جانە ويىن الاڭى پايدالانۋعا بەرىلدى.
اققايىڭ تسەلينوگراد اۋدانىنداعى ورتالىقتاندىرىلعان گازبەن قامتاماسىز ەتىلگەن ءۇشىنشى ەلدى مەكەن. اعىمداعى جىلى تاعى التى اۋىل گازداندىرىلماق. 432 شاقىرىم گاز قۇبىرى ىسكە قوسىلادى. بۇل جاي 35 مىڭ ادامدى كوگىلدىر وتىنمەن قامتاماسىز ەتۋگە مۇمكىندىك بەرەدى.
اقمولا وبلىسى,
تسەلينوگراد اۋدانى.