الەمدىك رەيتينگتە 10-ورىندا تۇرعان, قازاقستاننىڭ ءبىرىنشى راكەتكاسى ەلەنا رىباكينا US Open تۋرنيرىندەگى العاشقى كەزدەسۋىندە جەڭىسكە جەتتى, دەپ حابارلايدى Egemen.kz Vesti.kz سايتىنا سىلتەمە جاساپ.
ءتۋرنيردىڭ ءبىرىنشى اينالىمىندا قازاقستاندىق تەننيسشى ەلەنا رىباكينا الەمدىك رەيتينگتە 335-ورىندا تۇرعان دجۋلەتتا پارەحامەن كەزدەستى. ءبىرىنشى سەتتە ەلەنا 6:3 ەسەبىمەن جەڭىسكە جەتتى.
ەكىنشى سەتتە رىباكينا قارسىلاسىنان باسىم ءتۇسىپ, 6:0 ەسەبىمەن ايقىن جەڭدى.
ماتچ جالپى ءبىر ساعات ءتورت مينۋتقا سوزىلدى: ءبىرىنشى سەت — 37 مينۋت, ال ەكىنشىسى — 27 مينۋتقا سوزىلعان.
ەكىنشى اينالىمدا ەلەنا چەحيا وكىلى تەرەزا ۆالەنتوۆامەن كەزدەسەدى. ۆالەنتوۆا العاشقى ماتچىندا يتاليالىق ليۋچيا برونتسەتتيدەن 6:3, 3:6, 6:4 ەسەبىمەن باسىم ءتۇستى.