مەملەكەت باسشىسى قاسىم-جومارت توقاەۆ توراعا سي ءتسزينپيننىڭ شاقىرۋىمەن 30 تامىز – 3 قىركۇيەك كۇندەرى قىتاي حالىق رەسپۋبليكاسىنا بارادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ساپار اياسىندا وتەتىن جوعارى دەڭگەيدەگى كەلىسسوزدەر بارىسىندا قازاق-قىتاي ماڭگى ءارى جان-جاقتى ستراتەگيالىق سەرىكتەستىگىن نىعايتۋ پەرسپەكتيۆاسى تالقىلانادى.31 تامىز – 1 قىركۇيەك كۇندەرى قازاقستان پرەزيدەنتى تيانتسزين قالاسىندا وتەتىن شانحاي ىنتىماقتاستىق ۇيىمىنىڭ سامميتىنە جانە «شىۇ پليۋس» جيىنىنا قاتىسادى. 2 قىركۇيەكتە مەملەكەت باسشىسى بەيجىڭگە بارىپ, وندا قازاقستان – قحر ىسكەرلىك كەڭەسىندە ءسوز سويلەپ, قىتايدىڭ ءىرى كومپانيا جەتەكشىلەرىمەن بىرقاتار كەزدەسۋ وتكىزەدى. 3 قىركۇيەك كۇنى قاسىم-جومارت توقاەۆ ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا ارنالعان سالتاناتتى ءىس-شاراعا مارتەبەلى مەيمان رەتىندە قاتىسادى.