قر مەملەكەتتىك كۇزەت قىزمەتى ۋاقىتشا شەكتەۋلەر يوردانيا كورولى ابداللا II بەن ءال-حۋسەيننىڭ ەلىمىزگە رەسمي ساپارى كەزىندە ەنگىزىلەتىنىن مالىمدەدى, دەپ جازادى Egemen.kz.
بۇعان دەيىن اقوردانىڭ ءباسپاسوز قىزمەتى 26-27 تامىز كۇندەرى پرەزيدەنت قاسىم-جومارت توقاەۆتىڭ شاقىرۋىمەن 26-27 تامىز كۇندەرى قازاقستانعا يوردانيا كورولى II ابداللا بەن ءال-حۋسەين كەلەتىنىن حابارلاعان بولاتىن.
«قازاقستانعا يوردانيا كورولىنىڭ ساپارى بارىسىندا قالانىڭ جەكەلەگەن كوشەلەرىندە كولىك قۇرالدارى مەن جاياۋ جۇرگىنشىلەردىڭ قوزعالىسىنا ۋاقىتشا شەكتەۋ ەنگىزىلەدى. دايىندىق ءىس-شارالارىندا ارناۋلى مەملەكەتتىك جانە قۇقىق قورعاۋ ورگاندارىنىڭ, سونداي-اق قر قارۋلى كۇشتەرىنىڭ رەسۋرستارى, ونىڭ ىشىندە اسكەري اۆياتسيا مەن تەحنيكا پايدالانىلادى», دەلىنگەن حابارلامادا.
مەملەكەتتىك كۇزەت قىزمەتى استانا قالاسىنىڭ تۇرعىندارى مەن قوناقتارىنان حالىقارالىق دارەجەدەگى ماڭىزدى وقيعا كەزىندە قاۋىپسىزدىكتى قامتاماسىز ەتۋ بويىنشا جۇرگىزىلەتىن ءىس-شارالارعا تۇسىنىستىكپەن قاراۋدى سۇراعان.
ايتا كەتەيىك, يوردانيا كورولى ابداللا II بەن ءال-حۋسەيننىڭ استاناعا ساپارى بارىسىندا ساۋدا-ەكونوميكالىق جانە مادەني-گۋمانيتارلىق سالالارداعى قازاقستان-يوردانيا ىنتىماقتاستىعىن ودان ءارى نىعايتۋ ماقساتىندا جوعارى دەڭگەيدەگى كەلىسسوزدەر وتەدى.