«تۇركىنىڭ ءتورى – تۇركىستان» رەسپۋبليكالىق جاس اقىندار ايتىسى ەڭبەك ادامدارىن ناسيحاتتاۋعا, سونداي-اق قازاقستاننىڭ حالىق اقىنى, «پاراسات» وردەنىنىڭ يەگەرى اسەلحان قالىبەكوۆانىڭ 75 جىلدىعىنا جانە قر مادەنيەت قايراتكەرى, ايتىسكەر اقىن ابدىكەرىم ماناپتىڭ 70 جىلدىعىنا ارنالدى, دەپ جازادى Egemen.kz.
ەلىمىزدىڭ ءار وڭىرىنەن كەلگەن 12 جاس اقىن ەلدىك مۇددە, ۇلتتىق رۋح, ەڭبەك ادامدارىنىڭ مارتەبەسى, تاريحي تۇلعالار مۇراسى سىندى تاقىرىپتاردى جىرعا ارقاۋ ەتتى. قازىلار القاسىنىڭ شەشىمىمەن باس جۇلدەنى احمەتراسۋل بايانباي (تۇركىستان وبلىسى) يەلەندى. جۇلدەلى I ورىنعا مۇحتار قونارباەۆ (استانا قالاسى), ءىى ورىنعا ايان نيازبەك (تۇركىستان وبلىسى) پەن اراي نۇرادين (اقتوبە وبلىسى), III ورىنعا نۇرمۇحاممەد بايسۇگىروۆ (قاراعاندى وبلىسى) پەن نۇرماحان جاقىپبەك (تۇركىستان وبلىسى) لايىق دەپ تانىلدى. سونىمەن قاتار ابدىكەرىم ماناپ اتىنداعى ارنايى جۇلدە سورلتۇستىكقازاقستاندىق بەيىسحان حاۆدوللاعا, قانىبەك سارىباەۆ اتىنداعى جۇلدە مۇحامەتقان سىلامحانعا (تۇركىستان وبلىسى), جارقىنبەك ناۋشابەكوۆ اتىنداعى جۇلدە ومىربەكوۆ نۇرداۋلەتكە (تۇركىستان وبلىسى), اسەلحان قالىبەكوۆا اتىنداعى ارنايى جۇلدە نۇرعالي اناپياعا (شىمكەنت قالاسى), تاۋشەن ابۋوۆا اتىنداعى ارنايى جۇلدە تۇرسىن شىناربەككە (الماتى وبلىسى), تۇركىستان وبلىستىق مادەنيەت باسقارماسىنىڭ ارنايى جۇلدەسى بەكارىس ۇلى شاحماردانعا (تۇركىستان وبلىسى) تابىس ەتىلدى.
ماراپاتتاۋ راسىمىندە وبلىستىق مادەنيەت باسقارماسىنىڭ باسشىسى ءازىمحان قويلىباەۆ جەڭىمپازداردى قۇتتىقتادى. ال قازىلار القاسىنىڭ توراعاسى, «التىن دومبىرا» يەگەرى بەكارىس شويبەكوۆ جاس اقىنداردى قولداۋ ماقساتىندا مۇنداي ايتىستاردىڭ ماڭىزى زور ەكەنىن جەتكىزدى.
تۇركىستان وبلىسى