قازاقستاننىڭ بىرقاتار وڭىرىندە داۋىلدى ەسكەرتۋ جاريالاندى

استانا قالاسىندا كۇندىز نايزاعاي كۇتىلەدى, وڭتۇستىك-شىعىستان سوققان جەل ەكپىنى 15–20 م/س دەيىن جەتەدى.

اقمولا وبلىسىندا تاڭەرتەڭ جانە كۇندىز باتىسىندا, سولتۇستىگىندە, وڭتۇستىگىندە نايزاعاي كۇتىلەدى. جەلدىڭ ەكپىنى 15–20 م/س.

الماتى وبلىسىندا 20–22 تامىز ارالىعىندا جوعارى ءورت قاۋپى ساقتالادى. سول كەزەڭدە الماتى قالاسى مەن قوناەۆتا دا وسىنداي قاۋىپ بار.

تۇركىستان وبلىسىندا جانە شىمكەنت قالاسىندا 20 تامىزدا توتەنشە ءورت قاۋپى كۇتىلەدى.

قاراعاندى وبلىسىندا تۇندە جانە تاڭەرتەڭ سولتۇستىگى مەن شىعىسىندا تۇمان كۇتىلەدى. وبلىستىڭ وڭتۇستىگىندە توتەنشە ءورت قاۋپى ساقتالادى.

ۇلىتاۋ وبلىسىندا كۇندىز باتىسى مەن سولتۇستىگىندە جەلدىڭ ەكپىنى 15–20 م/س. شىعىسىندا جوعارى ءورت قاۋپى بار.

اتىراۋ وبلىسىندا تۇندە سولتۇستىگىندە, شىعىسىندا جانە وڭتۇستىگىندە نايزاعاي كۇتىلەدى. باتىسى مەن شىعىسىندا توتەنشە, ال سولتۇستىگى مەن وڭتۇستىگىندە جوعارى ءورت قاۋپى ساقتالادى. اتىراۋدا تۇندە نايزاعاي كۇتىلەدى.

قىزىلوردا وبلىسىندا كۇندىز ورتالىعى مەن سولتۇستىگىندە شاڭدى داۋىل سوعادى. جەلدىڭ ەكپىنى 15–20 م/س.

اقتوبە وبلىسىندا تۇندە سولتۇستىگىندە, شىعىسىندا نايزاعاي كۇتىلەدى, جەل ەكپىنى 15–20 م/س. وڭتۇستىگىندە توتەنشە ءورت قاۋپى بار. اقتوبەدە كۇندىز جەل كۇشەيەدى.

جامبىل وبلىسىندا جەل سولتۇستىك-شىعىستان سولتۇستىك-باتىسقا اۋىسادى, ەكپىنى 15–20 م/س. وڭىردە توتەنشە ءورت قاۋپى كۇتىلەدى. تارازدا دا جەل كۇشەيەدى.

شىعىس قازاقستان وبلىسىنىڭ ورتالىعى وسكەمەندە 19 تامىز ساعات 20:00-دەن 20 تامىز ساعات 20:00-گە دەيىن ەكىنشى دارەجەلى قولايسىز مەتەوجاعدايعا بايلانىستى ەسكەرتۋ جاريالاندى.

ماڭعىستاۋ وبلىسىندا تۇندە جانە تاڭەرتەڭ باتىسىندا تۇمان كۇتىلەدى. ايماقتا توتەنشە ءورت قاۋپى بار. اقتاۋدا تۇندە جانە تاڭەرتەڭ تۇمان تۇسەدى.

باتىس قازاقستان وبلىسىندا كۇندىز سولتۇستىگىندە, شىعىسىندا, ورتالىعىندا جەل ەكپىنى 15–20 م/س دەيىن جەتەدى. جەردىڭ باتىسى مەن وڭتۇستىك-باتىسىندا توتەنشە جانە جوعارى ءورت قاۋپى ساقتالادى. ورالدا جەل ەكپىنى 18 م/س بولادى.

پاۆلودار وبلىسىندا تۇندە جانە تاڭەرتەڭ باتىسى مەن وڭتۇستىگىندە تۇمان كۇتىلەدى.

سولتۇستىك قازاقستان وبلىسىندا 20 تامىزدا نايزاعاي, كۇندىز بۇرشاق پەن شكۆال كۇتىلەدى. تۇندە جانە تاڭەرتەڭ شىعىسىندا تۇمان بولادى. جەل ەكپىنى كەي جەرلەردە 25 م/س دەيىن كۇشەيەدى. پەتروپاۆلدا كۇندىز نايزاعاي كۇتىلەدى.

قوستاناي وبلىسىندا نايزاعاي, كۇندىز باتىسىندا جانە سولتۇستىگىندە بۇرشاق كۇتىلەدى. تۇندە جانە تاڭەرتەڭ تۇمان بولادى. جەل ەكپىنى 15–20 م/س. وڭتۇستىگىندە توتەنشە ءورت قاۋپى بار. قوستاناي قالاسىندا دا نايزاعاي بولجانعان.

جەتىسۋ وبلىسىندا الاكول كولدەرى ماڭىندا جەل كۇشەيەدى (15–20 م/س). وڭتۇستىك-شىعىسى مەن شىعىسىندا جوعارى ءورت قاۋپى بار.