ۇكىمەت وتىرىسىندا كولىك ءمينيسترى نۇرلان ساۋرانباەۆ تەمىرجول لوكوموتيۆتەرى پاركىن جاڭارتۋ تۋرالى ايتتى. بۇگىنگى تاڭدا ەلىمىزدە 1,9 مىڭ لوكوموتيۆ بار, دەپ جازادى Egemen.kz.
سونداي-اق مينيستر جۇك وپەراتورلارى 7 مىڭنان استام جاڭا ۆاگون ساتىپ الۋدى جوسپارلاپ وتىرعانىن جەتكىزدى.
قازاقستاندا 300-دەن استام تەمىرجول وپەراتورى جۇمىس ىستەيدى. ولاردىڭ قول استىندا 142 مىڭ جۇك ۆاگونى بار. بۇل قازىرگى جۇك تاسىمالىنىڭ قاجەتتىلىگىن تولىق قامتيدى.ونىڭ ىشىندەگى «قازاقستان تەمىر جولى» ۇلتتىق كومپانياسىنىڭ ۇلەسى – 41%. نۇرلان ساۋرانباەۆ ۆاگوندار الەۋمەتتىك ماڭىزى بار باعىتتاردا دا بەلسەندى قولدانىلاتىنىن اتاپ ءوتتى.«2029 جىلعا دەيىن جۇك وپەراتورلارى تاراپىنان 7 مىڭنان استام جاڭا ۆاگوندار ساتىپ الىنادى. بۇل جۇك تاسىمالىنىڭ ءوسىپ كەلە جاتقان الەۋەتىن ساقتاپ, دامىتۋعا مۇمكىندىك بەرەدى», دەدى ول.