JE Wilson Ghana International 2025 تۋرنيرىندە وتانداستارىمىز دميتري پانارين مەن ماحسۋت تاجىبۋللاەۆ ەرلەر اراسىنداعى جۇپتىق سىندا جۇلدەگە تالاستى, دەپ جازادى Egemen.kz.
گانادا وتكەن باسەكەدە قازاقستاندىق جۇپ جارقىن ويىنىمەن, تاباندىلىعىمەن جانە جوعارى شەبەرلىگىمەن ەرەكشەلەندى. دميتري پانارين مەن ماحسۋت تاجىبۋللاەۆ توزىمدىلىك پەن تاكتيكالىق شەبەر ويلاۋدىڭ ارقاسىندا جۇلدەگەر قاتارىنان كورىنىپ, قولا مەدالدى قانجىعالادى.
بۇل جۇلدە تەك سپورتشىلارىمىزىڭ جەكە جەتىستىگى ەمەس, سونىمەن قاتار قازاقستانداعى بادمينتوننىڭ دامۋىنا قوسقان ماڭىزدى ۇلەسى. وسى ورايدا قازاقستان بادمينتون فەدەراتسياسى دميتري مەن ماحسۋتتى لايىقتى جەڭىسىمەن قۇتتىقتاپ, سپورتشىلاردى دايىنداۋدا ۇلكەن ۇلەس قوسقان باپكەرلىك قۇرامعا العىس ءبىلدىردى.