اقمولا وبلىسىندا جول-كولىك وقيعاسى سالدارىنان ءبىر ادام قازا تاۋىپ, بەسەۋى اۋرۋحاناعا جەتكىزىلدى. ولاردىڭ ىشىندە ءۇش كامەلەتكە تولماعان بالا بار, دەپ جازادى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, جول اپاتى 16 تامىز كۇنى «استانا – پەتروپاۆل» اۆتوجولىنىڭ 284-شاقىرىمىندا بولعان. Mercedes-Benz پەن Toyota Camry اۆتوكولىكتەرى سوقتىعىسقان.
– جول اپاتى سالدارىنان Mercedes-Benz اۆتوكولىگىنىڭ ءبىر جولاۋشىسى وقيعا ورنىندا كوز جۇمدى. Mercedes-Benz كولىگىندەگى تاعى ءتورت جولاۋشى مەن Toyota Camry جۇرگىزۋشىسى مەديتسينالىق مەكەمەگە جەتكىزىلدى. ولاردىڭ ۇشەۋى – كامەلەتكە تولماعان بالالار, – دەلىنگەن ۆەدومستۆو حابارلاماسىندا.
قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ونىڭ ناتيجەلەرى بويىنشا پروتسەسسۋالدىق شەشىم قابىلدانادى.