قاسىم-جومارت توقاەۆ پرابوۆو سۋبيانتونى يندونەزيا رەسپۋبليكاسى تاۋەلسىزدىگىنىڭ 80 جىلدىق مەرەيتويىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى حابارلادى.
– مەن استانا جانە دجاكارتا اراسىنداعى ءوزارا تۇسىنىستىك پەن ورتاق قۇندىلىقتارعا نەگىزدەلگەن سەنىمدى ىنتىماقتاستىقتى جوعارى باعالايمىن. وسى ورايدا, وزىڭىزبەن بىرلەسىپ, ەكى ەلدىڭ دوستىق قارىم-قاتىناسىن ودان ءارى دامىتا تۇسۋگە بار كۇش-جىگەرىمدى جۇمىلدىرۋعا دايىن ەكەنىمدى مالىمدەيمىن, - دەپ جازىلعان جەدەلحاتتا.
قاسىم-جومارت توقاەۆ يندونەزيا پرەزيدەنتىنىڭ سىندارلى ساياساتى مەن كوشباسشىلىق قاسيەتتەرىنىڭ ارقاسىندا يندونەزيا رەسپۋبليكاسى الداعى ۋاقىتتا دا بيىك بەلەستەردى باعىندىرا بەرەتىنىنە سەنىم ءبىلدىردى.