ۇلىبريتانيانىڭ قورعانىس ءمينيسترى دجون ءحيليدىڭ ايتۋىنشا, ۋكراينا ءوزىنىڭ بولاشاعىن ايقىندايتىن كەلىسسوزدەرگە تىكەلەي قاتىسۋى قاجەت. BBC Radio 4 ارناسىنا بەرگەن سۇحباتىندا ول, ترامپ پەن پۋتين اراسىنداعى جوسپارلانعان كەلىسسوزدەردەن بولەك, كيەۆ ءوز تاعدىرىنا قاتىستى شەشىم قابىلداۋدا نەگىزگى تاراپ بولۋى ءتيىس ەكەنىن جەتكىزدى, دەپ جازادى Egemen.kz.
«قازىر شايقاسىپ جاتقان – ۋكراين حالقى. بۇل – ءارى اسكەريلەردىڭ, ءارى بەيبىت تۇرعىنداردىڭ وراسان ەرلىگى. سوعىستىڭ قاشان جانە قانداي شارتپەن اياقتالاتىنىن پرەزيدەنت زەلەنسكي مەن ۋكرايندار وزدەرى انىقتاۋى كەرەك», دەدى حيلي.
ءمينيستردىڭ سوزىنشە, ۇلىبريتانيا وداقتاس ەلدەرمەن بىرگە اسكەري كومەكتى كۇشەيتىپ, رەسەيگە قارسى ەكونوميكالىق سانكتسيالاردى قاتاڭداتۋعا دايىن ەكەنىن كورسەتە وتىرىپ, ديپلوماتيالىق قيمىلدى جانداندىرۋعا ۇمتىلادى.