قىزىلجار اۋدانىندا جاڭا اكىم سايلاندى

1971 جىلى تۋعان بەيبىت قايىركەش ۇلى يسمانوۆتىڭ وسكەن جەرى سولتۇستىك قازاقستان وبلىسى. ونىڭ اتا-اناسى ەلگە بەلگىلى ازاماتتار. بۇعان دەيىن ول 2002 جىلدان بەرى مەملەكەتتىك قىزمەتتە, پەتروپاۆل قالاسى اكىمىنىڭ كومەكشىسى, اپپارات باسشىسى, وبلىستىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ساتىلارىنان وتكەن. 2018-2020 جىلدارى ول ايىرتاۋ اۋدانىنىڭ اكىمى قىزمەتىنە تاعايىندالدى. ودان ءارى بەس جىل بويى وبلىستىق تابيعات رەسۋرستارى جانە تابيعات پايدالانۋدى رەتتەۋ باسقارماسىنىڭ باسشىسى مىندەتىن اتقاردى. وسى ايدىڭ باسىندا ول قىزىلجار اۋدانىنىڭ اكىمىنىڭ مىندەتىن اتقارۋشى بولىپ تاعايىندالعان.

جوعارى ءبىلىمدى سولتۇستىك قازاقستان مەملەكەتتىك ۋنيۆەرسيتەتىنەن جانە ماسكەۋدىڭ گۋمانيتارلىق ينستيتۋتىنان العان. سونىمەن بىرگە رەسەي پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت اكادەمياسىنىڭ ماگيستراتۋراسىن بىتىرگەن.

اۋماقتىق سايلاۋ كوميسسياسىنىڭ دەرەكتەرىنە قاراعاندا تىركەلگەن بارلىق 31661 سايلاۋشىنىڭ 17815 ادام سايلاۋعا قاتىسىپ, سونىڭ 11771 ب.يسمانوۆقا داۋىس بەرگەن. ال ونىڭ قارسىلاستارى سانات اۋباكىروۆ – 2549, اسقار حابيبۋللين – 1671 داۋىس جيناعان. 1310 سايلاۋشى «بارلىعىنا قارسىمىن» دەپ داۋىس بەرگەن.