الەۋمەتتىك جەلىدە بەس جىل بويى قۇلدىقتا جۇرگەنىن ايتقان ەكى بالانىڭ ۆيدەوسى جاريالانعاننان كەيىن, وقيعاعا بايلانىستى قىلمىستىق ءىس قوزعالدى, دەپ حابارلايدى Egemen.kz.
«پيسما پرەزيدەنتۋ» تەلەگرام-ارناسى دالادا مال باعىپ جۇرگەن ەكى بالانىڭ ۆيدەوسىن جاريالادى. ونىڭ ءبىرى ءوزىنىڭ بەس جىلدان بەرى قۇلدىقتا جۇرگەنىن ايتىپ, كومەك سۇراعان.
«5 جىل تۇردىم با…5 جىل بويى كورگەن قورلىعىم. (…) تەلەفونىمدى الىپ قويدى. مال باعىپ ءجۇرمىز. ءار وتكەن كولىكتەن ساعات سۇرايمىز. كورەتىن قورلىعىمىز وسى عوي. بۇلاي قورلىق كورمەپ ەدىم. جاتسام دا, تۇرسام دا ءبىر نارسەنى ويلايمىن: تۋعان اكەمنىڭ قولىنا بارسام دەپ. ۇيدەگى مامام سويلەگىسى كەلەدى, بىراق ءوزى قورقادى. كومەكتەسىپ جىبەرىڭىزدەرشى. ءبىر كۇنى ەكەۋمىزدىڭ ءبىرىمىز ولمەسەك… كومەكتەسىپ جىبەرمەسەڭىزدەر», – دەيدى ءجاسوسپىرىم ۆيدەودا.
وسى وقيعادان كەيىن جامبىل وبلىسىنىڭ پوليتسياسى وقيعاعا بالانىستى قىلمىستىق ءىس قوزعالعانىن حابارلادى. ىسكە قاتىسى بار ادامدار انىقتالىپ, تەرگەۋ جۇرگىزىلەتىنىن ايتتى.
بۇدان بولەك, بالالار قۇلدىقتا بولدىق دەگەن جامبىل وبلىسىنىڭ كوكتال اۋىلىنا وبلىستىق بالا قۇقىعى بويىنشا ومبۋدسمەن داۋرەن باعجانوۆ بارعان.
قازىر بالالار تاراز قالاسىنداعى قولداۋ ورتالىعىنا جەتكىزىلگەن.