تۇرعىندارى ءوزارا كەڭەسىپ, اراقتان باس تارتقان اۋىلدار قاتارىندا ارال اۋدانى قوسجار ەلدى مەكەنى بار. اۋىل اقساقالدارىنىڭ باستاماسىمەن ىشىمدىكپەن بىرلەسە كۇرەسكەن ەلدى مەكەندە 5 جىلدىڭ بەدەرىندە بىردە-ءبىر قىلمىس تىركەلمەپتى, دەپ حابارلايدى Egemen.kz.
اۋدان ورتالىعىنان 120 شاقىرىم قاشىقتىقتا جاتقان اۋىلدا 94 شاڭىراق ءتۇتىن تۇتەتىپ وتىر.
ىشكى ىستەر مينيسترلىگى «پروفيلاكتيكا جىلى: پوليتسيا زاڭ مەن ءتارتىپ كۇزەتىندە» دەپ جاريالاعان بيىلعى جىل اياسىندا پوليتسيا ينپەكتورلارى جۇرگىزگەن پروفيلاكتيكالىق ءىس-شارالار ناتيجەسىندە قارماقشى اۋدانىنداعى يىركول ەلدى مەكەنى دە «الكوگولسىز اۋىل» اتانىپ وتىر.